គួរឱ្យដឹងផងដែរថា ថ្ងៃមហាសង្ក្រាន្តនឹងចូលមកដល់នៅថ្ងៃអាទិត្យ ១០ កើត ខែចែត្រ ត្រូវនឹងថ្ងៃ ១៤ ខែមេសា គ.ស ២០១៩ វេលាម៉ោង ១៥ និង ១២ នាទី ។
បើតាមទំនៀមតាំងពីបុរាណរៀងមក ពីធីបុណ្យចូលឆ្នាំខ្មែរមានរយៈពេល ៣ ថ្ងៃ ដែលថ្ងៃដំបូងជាថ្ងៃមហាសង្ក្រាន្ត ថ្ងៃទី២ ជាថ្ងៃវនបត និងថ្ងៃទី៣ ជាថ្ងៃឡើងស័ក ។ តាមសៀវភៅមហាសង្ក្រាន្តរបស់ឯកឧត្ដម អ៊ឹម បុរិន្ទ អគ្គលេខាធិការង គណៈកម្មាធិការរៀបចំបុណ្យជាតិ អន្តរជាតិ គណៈកម្មការស្រាវជ្រាវវិជ្ជាហោរាសាស្ត្រ និង ប្រពៃណីទំនៀមទម្លាប់ខ្មែរ។
ទំនាយតាមថ្ងៃសង្ក្រាន្តបង្ហាញដូចខាងក្រោមនេះ៖
ទំនាយថ្ងៃមហាសង្ក្រាន្ត (ថ្ងៃទី១) ៖ ថ្ងៃចូលឆ្នាំ ត្រូវនឹងថ្ងៃអាទិត្យ ទំនាយថា ឆ្នាំនេះការធ្វើស្រែពុំសូវបានផលល្អឡើយ ។
ទំនាយថ្ងៃវ័នបត (ថ្ងៃទី២) ៖ ថ្ងៃកណ្ដាលត្រូវនឹងថ្ងៃចន្ទ ទំនាយថា ឆ្នាំនេះអំបិលនឹងឡើងថ្លៃ ជំទាវ ខុណ្នាង នឹងក្ដៅក្រហាយចិត្ត ប្រជានុរាស្ត្ររមែងនឹងកើតគ្រុនរងារជាអនេក ។
ទំនាយថ្ងៃឡើងស័ក (ថ្ងៃទី៣)៖ ថ្ងៃចុងក្រោយ ត្រូវនឹងថ្ងៃអង្គារ ទំនាយថា ឆ្នាំនេះរាជអាមាត្យ មន្ត្រី តូច ធំ នឹងប្រកបដោយសេចក្ដីសុខត្រជាក់ត្រជុំ ព្រមដោយទ្រព្យសម្បត្តិបរិបូណ៌ ទោះបីជាមានការប្រយុទ្ធតស៊ូជាមួយពួកបច្ចាមិត្ត ៕ ប្រភព ៖ សៀវភៅមហាសង្ក្រាន្តរៀបរៀងដោយ ឯកឧត្ដម អ៊ឹម បុរិន្ទ
