ខេត្តកំពង់ស្ពឺ ៖ ថ្ងៃទី ១០ ខែមេសា ឆ្នាំ២០១៩ វេលាម៉ោង ៥:១៥ ព្រឹកមិញនេះ មានគ្រោះថ្នាក់ចរាចរដ៏រន្ធត់មួយបានកើតឡើង នៅផ្លូវជាតិលេខ៤ ភូមិក្រាំងខ្វាវ ឃុំគិរីវន្ត ស្រុកភ្នំស្រួច រវាងរថយន្តមួយគ្រឿងម៉ាកហាយឡែនឌ័របានបុកជាមួយរថយន្តដឹកទឹកកកមួយគ្រឿង បណ្ដាលឲ្យមានមនុស្ស៣នាក់បានស្លាប់បាត់បង់ជីវិតភ្លាមៗ និង ៥នាក់ផ្សេងទៀតរងរបួសធ្ងន់ និងស្រាល។
តាមប្រភពពីមន្ត្រីនគរបាលបានអោយដឹងថា ភាគីខាងរថយន្តមួយគ្រឿងម៉ាក Highlander ពណ៌ទឹកមាស ពាក់ស្លាកលេខ ព្រះសីហនុ ២C-៧៣៧៧ បើកបរដោយឈ្មោះ នី ភេទប្រុស អាយុ៣១ឆ្នាំ ជាអ្នកបើកបររថយន្តតាក់ស៊ី រស់នៅក្នុងខេត្តព្រះសីហនុ ។ ចំណែកឯអ្នករួមដំណើរចំនួន៦នាក់ដែលជិះក្នុងរថយន្តម៉ាក Highlander រួមមាន៖
ចំណែកភាគីខាងថយន្តមួយគ្រឿងទៀតម៉ាកហ៊ីយ៉ាន់ដាយ មានដឹកទឹកកកពេញ ពណ៌ស ពាក់ស្លាកលេខ ក-8658-ព.ភ3 បើកបរដោយឈ្មោះភាព ភេទប្រុស អាយុ៣៨ឆ្នាំ មុខរបរបើកបររថយន្តដឹកទឹកកកបោះអោយម៉ូយ រស់នៅក្នុងក្រុងច្បារមន ខេត្តកំពង់ស្ពឺ បានរងរបួសធ្ងន់។
តាមប្រភពពីមន្ត្រីនគរបាលស្រុកបានបន្តអោយដឹងថា នៅមុនពេលកើតហេតុ គេឃើញរថយន្តមួយគ្រឿង ម៉ាកHighlander ធ្វើដំណើរក្នុងទិសដៅពីលិចទៅកើត លុះមកដល់ចំណុចកើតហេតុខាងលើ បានបុកគ្នាជាមួយរថយន្តដឹកទឹកកកពេញ ក្នុងទិសដៅបញ្ច្រាសទិសគ្នា ចំពីមុខយ៉ាងពេញទំហឹង បណ្តាលអោយអ្នកជិះក្នុងរថយន្តHighlander ចំនួន៣នាក់បានស្លាប់ និង ៤នាក់ផ្សេងទៀតបានរងរបួសធ្ងន់ស្រាល រីឯអ្នកបើកបររថយន្តដឹកទឹកកកបានរងរបួសធ្ងន់ ។
អ្នករួមដំណើរទាំង៦នាក់ដែលជិះក្នុងរថយន្ត Highlander មាន ៣នាក់បានស្គាល់អត្ថសញ្ញាណ៖
- ១-ឈ្មោះ ស្រី អូន ភេទស្រី អាយុ៣០ឆ្នាំ រស់នៅភូមិត្នោតថ្មី ឃុំបារាយ ស្រុកស្ទោង ខេត្តកំពង់ធំ បានរងរបួស
- ២-ឈ្មោះ ម៉ៃ អន ភេទប្រុស អាយុ៣៦ឆ្នាំ រស់នៅភូមិត្នោតថ្មី ឃុំបារាយ ស្រុកស្ទោង ខេត្តកំពង់ធំ បានស្លាប់
- ៣-បុរសរងគ្រោះមិនស្គាល់អត្តសញ្ញាណ បានរងរបួសធ្ងន់ធ្ងរ
- ៤-ស្ត្រីរងគ្រោះមិនស្គាល់អត្តសញ្ញាណ បានស្លាប់នៅនឹងកន្លែងកើតហេតុ
- ៥-ស្ត្រីរងគ្រោះមិនស្គាល់អត្តសញ្ញាណ បានស្លាប់នៅនឹងកន្លែងកើតហេតុ
- ៦-ជនរងគ្រោះមិនស្គាល់ឈ្មោះ ភេទប្រុស អាយុជាង៣០ឆ្នាំ បានរងរបួសធ្ងន់ធ្ងរ ។
បើតាមប្រភពព័ត៍ពីសាច់ញាតិរបស់នារីម្នាក់នៅក្នុងហ្វេសប៊ុក នារីរងគ្រោះដែលបានស្លាប់បាត់បង់ជីវិតម្នាក់ ត្រូវបានគេស្គាល់ថាជាម្ចាស់គណនី ឈ្មោះ Bee Li ៕
ក្រោយពីធ្វើការវាស់វែងនៅកន្លែងកើតហេតុ សពជនរងគ្រោះបានប្រគល់អោយសាច់ញាតិយកទៅធ្វើបុណ្យតាមប្រពៃណី ចំណែកអ្នករងរបួសធ្ងន់និងស្រាលទាំង៥នាក់ខាងលើត្រូវបានរថយន្តសាមុយមកដឹកយកទៅសង្គ្រោះនៅមន្ទីរពេទ្យបង្អែកខេត្តកំពង់ស្ពឺ ៕
