ភ្នំពេញ៖ កាលពីវេលាម៉ោង១ និង៣០នាទី ថ្ងៃទី១១ ខែមេសា ឆ្នាំ២០១៩ ក្រោមការដឹកនាំបញ្ជាផ្ទាល់របស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ កម្លាំងចំរុះបានចុះបង្ក្រាបកន្លែងលួចលាក់ផលិតសារធាតុញៀនខុសច្បាប់នៅ ក្លឹប ម៉ៃ អាមី ដែលមានទីតាំងលេខ១៥៩ ផ្លូវ៣៦០ ភូមិ៨ សង្កាត់បឹងកេងកងមួយ ខណ្ឌចំការមន រាជធានីភ្នំពេញ។
នៅក្នុងបង្ក្រាបនេះ បានឃាត់ខ្លួនមនុស្ស ៥០នាក់ ក្នុងនោះស្រី១២នាក់ និងដកហូតម៉ាស៊ីនផលិតគ្រឿងញៀនមួយចំនួន និងសារធាតុញៀនមួយចំនួនផងដែរ។
កិច្ចការនះសម្រេចទៅបាន ដោយមានការអនុញ្ញាតពីលោក លី សុផាន់ណា ព្រះរាជអាជ្ញារងនៃសាលាដំបូងរាជធានីភ្នំពេញ និងមានការសហការពីការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ អធិការដ្ឋាននគរបាលខណ្ឌចំការមន ព្រមទាំងកម្លាំងប៉ុស្តិនគរបាលដ្ឋានបឹងកេងកង។
បច្ចុប្បន្ន មនុស្ស និងសម្ភារៈ បានបញ្ជូនទៅស្នងការដ្ឋាននគរបាលរាជធានីភ្នំពេញ ៕ ប្រភព៖ ស្នងការដ្ឋាននគរបាលរាជធានីភ្នំពេញ
