វៀតណាម៖ នៅព្រឹកថ្ងៃទី១០ ខែមេសា ប្រជាជនវៀតណាមរាប់ពាន់នាក់ បាននាំគ្នាសម្រុកមកមុខការិយាល័យកុងស៊ុលកូរ៉េខាងត្បូង នៅរដ្ឋធានីហាណូយ (នៅកុងស៊ុលប្រចាំទីក្រុងធំ ហូជីមិញ ទីក្រុងដាណាំង) ដើម្បីរង់ចាំការផ្តល់ទិដ្ឋាការ ទៅកាន់ប្រទេសកូរ៉េ ដូចទឹកបាក់ទំនប់ បើទោះបីជា ការិយាល័យកុងស៊ុលកូរ៉េខាងត្បូង បានកំណត់ផ្តល់លេខរៀងឲ្យមនុស្សតែ ៣០០នាក់ក្នុងមួយថ្ងៃៗក្តី ក៏មនុស្សជាច្រើនមកសុំលេខជាបន្តបន្ទាប់ ។
នៅឯការិយាល័យកុងស៊ុលកូរ៉េខាងត្បូង សន្តិសុខត្រូវបានពង្រឹងបន្ថែម ដោយសារតែចំនួនមនុស្សនៅតែបន្តសំរុកមកយ៉ាងច្រើន ហើយមានខ្លះដេកចាំតាមផ្ទះជួលក្បែរៗនោះទៀតផង ។ ពួកគេមិនមែនជាអ្នកទេសចរឡើយ ពួកគេគឺជាកម្មករជំនាញ។
តាមប្រភពព័ត៌មានដដែលបានឱ្យដឹងថា ហេតុផលដែលបណ្ដាលឱ្យប្រជាពលរដ្ឋរៀតណាមនាំគ្នាសម្រុកមកសុំទិដ្ឋាការបែបនេះ ដោយសារតែចាប់ពីចុងឆ្នាំ២០១៨ មក ប្រទេសកូរ៉េខាងត្បូង បានបន្ទូរបន្ថយគោលនយោបាយផ្តល់ទិដ្ឋាការសម្រាប់ពលរដ្ឋនៅបណ្តាប្រទេសក្នុងអាស៊ាន ដែលក្នុងនោះតម្រូវការឯកសារចាំបាច់ផ្សេងៗក៏ត្រូវបានបន្ធូរបន្ថយដែរ។
ក្នុងនោះ នៅវៀតណាមពលរដ្ឋតម្រូវឲ្យមានប័ណ្ណស្នាក់នៅទីក្រុងធំៗ ៣ រួមមាន៖ ក្រុងហូជីមិញ ក្រុងហាណូយ និងក្រុងដាណាំង ត្រូវបានផ្តល់ទិដ្ឋាការ ៥ឆ្នាំ ហើយជាបញ្ញវ័ន្ត អ្នកវិទ្យាសាស្ត្រ អាចត្រូវបានពិនិត្យផ្តល់ទិដ្ឋាការ ១០ឆ្នាំ ដែលត្រូវឱ្យបង់ថ្លៃទិដ្ឋាការត្រឹមតែ ៨០ដុល្លារប៉ុណ្ណោះ ។
ចំពោះវៀតណាម ក៏ត្រូវបានលើកលែងការ បញ្ជាក់ឯកសារហិរញ្ញវត្ថុ ប្រសិនជាមន្ត្រីរាជការ អ្នកដែលធ្លាប់ធ្វើដំណើរទៅក្រៅប្រទេសនេះលើសពី ២ដង ហើយលើសពីនេះទៀត ក៏អាចយកឯកសារបញ្ជាក់ទ្រព្យសម្បត្តិរបស់សាច់ញាតិជំនួសផងដែរ ។
ចំពោះផ្ទះស្នាក់នៅ កន្លែងហូបចុកផ្សេងៗ នៅក្បែរតំបន់នោះ ក៏ត្រូវប៉ាន់ផងដែរ ដោយសារតែមនុស្សច្រើនកុះករ៕
