សូមអបអរប្អូនប្រុសផង ព្រោះប្អូននឹងទទួលបានជើងសិប្បនិម្មិត ដោយឥតគិតថ្លៃហើយ (មានវីដេអូ)

កាលពីព្រឹកម្សិលមិញនេះមានគណនីហ្វេសប៊ុកឈ្មោះ Nhom Net បានបង្ហោះរូបភាព និងវីដេអូរបស់ប្អូនប្រុសពិការជើងទាំងពីរម្នាក់ ដោយទឺកមុខស្រងូតស្រងាត់ជាមួយនឹងសារថា ប្អូនប្រុសចង់បានជើងជ័រដើម្បីរត់លេងនឹងគេ ដែលបានធ្វើឱ្យអ្នកលេងបណ្ដាញសង្គមមានអារម្មណ៍ក្ដុកក្ដួលជាខ្លាំង ។

មុននេះបន្តិចមានគណនីមួយទៀត បានបញ្ជាក់ថាប្អូននឹងទទួលបានជើងសិប្បនិម្មិតដោយឥតគិតថ្លៃ។ ក្នុងខ្លឹមសារនៃសារនេះបានសរសេរថា៖

“ចំពោះករណីនេះក្នុងនាម​ នាយកដ្ឋានសុខុមាលភាពជនពិការ​នៃក្រសួងសង្គមកិច្ច​ អតីតយុទ្ធជន​ និងយុវនីតិសម្បទា​ សូមថ្លែងអំណរគុណដល់ម្ចាស់ផេកដែលផ្តល់ដំណឹង​ ហេីយកុមារនេះនឹងត្រូវបញ្ជូនទៅទទួលសេវាស្តារ​កាយសម្បទា​ (​ ទទួលជេីងសិប្បនិម្មិត​ )​ ដោយឥតគិតថ្លៃ​ នឹងទទួលបានប្រាក់ឧបត្ថម្ភធ្វេីដំណេីរ​ នឹងហូបចុក​ នៅមណ្ឌលស្តារ​ ខេត្តសៀមរាប”៕