គួរឱ្យសោកស្ដាយ! អណ្ដូងទឹក៧ពណ៌ ឬរូងនាគភ្នំគូលែន ដែលល្បីល្បាញនោះ បែរជារីងទឹកអស់ហើយ

អណ្ដូងទឹក៧ពណ៌ ឬរូងនាគភ្នំគូលែនបន់ដើម្បីបានប្ដី ដែលជាទីតាំងសាកសិទ្ធិ ធ្លាប់មានភ្ញៀវជាតិ និងអន្តរជាតិជាច្រើនតែងតែនាំគ្នាទៅដងទឹកអណ្ដូងនោះ បន់ស្រន់សុំសេចក្ដី និងបន់ស្រន់រកប្ដីនោះ ពេលប្រែជាស្ងួតហួតហែង លែងមានទឹកតទៅទៀតហើយ ពិតជាគួរឱ្យសោកស្ដាយខ្លាំងណាស់។

កាលពីមុន ធ្លាប់មានទឹកពេញ ព្រមទាំងមានពណ៌ស្រស់ស្អាត ថ្លាមើលឃើញដល់បាតដី។ អណ្ដូងទឹក៧ពណ៌ ឬរូងនាគភ្នំគូលែនបន់ដើម្បីបានប្ដី មានទីតាំងនៅលើភ្នំគូលែន ក្នុងខេត្តសៀមរាប។