ភ្នំពេញ៖ បងប្អូនទស្សនិកជនជាច្រើន ច្បាស់ជាជ្រាប់ហើយថា កំពូលតារាចម្រៀងកញ្ញា ឱក សុគន្ធកញ្ញា នឹងដឹកដៃគូស្នេហ៍គឺលោក អ៊ឹង សុខលី ចូលរោងជ័យ ឆាប់ៗខាងមុននេះ។ ទន្ទឹងនឹងនេះដែរ កន្លងមកគេក៏បានឃើញរូបថត Pre-Wedding គូស្នេហ៍មួយគូនេះប៉ុន្មានសន្លឺករួចមកហើយ ដូចជាក្នុងសម្លៀកបំពាក់ប្រពៃណីនៅប្រាង្គប្រាសាទខ្មែរ ធ្វើឱ្យមហាជនកោតសរសើរថាពិតជាស្រស់ស្អាតខ្លាំង ។
មកទាន់អស់នៅឡើយ ស្រាប់តែថ្មីៗនេះឃើញហ្វេសប៊ុកផ្លូវការរបស់ One Memory បានបង្ហោះរូបថត Pre-Wedding មួយសន្លឹកទៀតហើយរបស់កំពូលតារាចម្រៀង ឱក សុគន្ធកញ្ញា កំពុងល្បីកក្រើកនៅលើបណ្ដាញសង្គម ដែលលើកនេះគឺស្ថិតក្នុងរ៉ូបពណ័សវិញម្ដង ដែលមើលទៅគួរឱ្យចាប់អារម្មណ៍ខ្លាំងបំផុតនោះគឺ ឱក សុគន្ធកញ្ញា បានថតនៅក្រោមទឹកដ៏ថ្លាឆ្វេង ដែលមានភាពទាក់ទាញយ៉ាងខ្លាំងមែនទែន ។
ទស្សនិកជនដែលបានឃើញរូបថត Pre-Wedding របស់កំពូលតារាចម្រៀងស្រីរូបនេះហើយ បានកោតសរសើរយ៉ាងខ្លាំងថាស្រស់ស្អាត និងប្លែកភ្នែកខ្លាំងតែម្ដង ។ ប្រភព៖ ហ្វេសប៊ុក
