បរទេស៖ បើតាមការចុះផ្សាយតាមរយៈសារព័ត៌មាន bbc នៅថ្ងៃទី៤ ខែឧសភា ឆ្នាំ២០១៩នេះ មានហេតុការណ៏ធ្លាក់យន្តហោះមួយគ្រឿងទៀតហើយ ដែលជាយន្តហោះដឹកអ្នកដំណើរប្រភេទ Boeing 737 បានធ្លាក់ចូលទៅក្នុងទឹកទន្លេ នៅរដ្ឋ Florida នៃសហរដ្ឋអាមេរិក។បើយោងតាមអាជ្ញាធរអាកាសចរណ៍អាមេរិក FAA បានឱ្យដឹងថា
ការធ្លាក់យន្តហោះខាងលើនេះ បានកើតឡើងនៅពេលដែលយន្តហោះកំពុងចុះចត នៅឯព្រលានយន្តហោះមួយកន្លែងក្នុងទីក្រុង ចេកសុនវាល (Jacksonville) ក្រោយចេញមកពីទីក្រុង ម៉ៃអាមី (Miami)។តាមរបាយការណ៍បានឱ្យដឹងទៀតថា យន្ដហោះប្រភេទ Boeing 737 ដែលបានជួបឧបទ្ទវហេតុខាងលេីនេះ
បានផ្ទុកអ្នកដំណើរចំនួន១៣៦នាក់ និងសមាជិកនាវិក ៧នាក់ទៀតនៅលើយន្ដហោះនោះ។ យ៉ាងណាមិញ មនុស្សជាង ១៤៣នាក់ ដែលនៅលើយន្តហោះ ពុំមានគ្រោះថ្នាក់ធ្ងន់ធ្ងរអ្វីឡើយ គ្រាន់តែភ័យតក់ស្លុត និងរងរបួសបន្តិចបន្តួចចំពោះមនុស្សមួយចំនួនតែប៉ុណ្ណោះ។មូលហេតុដែលយន្តហោះ Boeing 737 បានធ្លាក់ចូលក្នុងទន្លេនោះ
គឺដោយសារតែ ពេលចុះចតយន្តហោះនោះ បានរត់ខុសគន្លងផ្លូវ នៅអាកាសយានដ្ឋានអាកាសចរណ៍ Jacksonville រដ្ឋ Florida ហើយក៍បានធ្លាក់ចូលទន្លេតែម្តង៕ ប្រភព៖ bbc
