កាលពីម្សិលមិញនេះរឿងមួយដ៏គួរឱ្យចាប់អារម្មណ៍នៅលើបណ្ដាញសង្គមហ្វេសប៊ុក ដោយសារមានគណនីមួយ បានបង្ហោះនូវរូបថតចំនួន២នៃយន្តហោះរបស់ខ្មែរខ្នាតធំមួយគ្រឿង(រូបថតទី១ ថតនៅឆ្នាំ១៩៧៣ និងមួយសន្លឹកទៀតថតនៅឆ្នាំ២០១៦) ដែលមានសភាពចាស់ទ្រុឌទ្រោម ត្រូវបានគេទុកចោលនៅព្រលានយន្តហោះក្រៅប្រទេស។
បេីយោងតាមរយៈគណនីហ្វេសបុកឈ្មោះ ពៅ សារី បានឲ្យដឹងថា៖ «ខ្មោចយន្តហោះ ប្រភេទ SE-210 Caravell (ផលិតនៅប្រទេសបារាំង) មានសញ្ញា អាកាសចរកម្ពុជា ដែលបោះបង់ចោល ក្នុងអំឡុងសង្រ្គាមស៊ីវិល នៅកម្ពុជា ទសវត្សរ៍ ១៩៧០s ត្រូវបានគេទុកសំចតចោលក្នុងអាកាសយានដ្ឋាន ដនមឿង ប្រទេសថៃ (រូបថតឆ្នាំ ២០១៦)។
ចំណែកឯរូបទី២គឺជារូបចុះចតរបស់អាកាសចរកម្ពុជានៅអាកាសយានដ្ឋាន Kaitak នាទីក្រុងហុងកុង កាលពីឆ្នាំ ១៩៧៣។ អ្នកមានធនធាននៅកម្ពុជា គួរទាក់ទងទិញត្រឡប់មកកម្ពុជាយើងវិញ ដើម្បីកែឆ្នៃ ធ្វើជាអាហារដ្ឋានទេសចរណ៍»។
ទោះជាយ៉ាងណាក៏ដោយ ចំពោះការលេីកឡេីងរបស់ម្ចាស់គណនីខាងលើនេះ ប្រិយមិត្តអ្នកនិយមលេងបណ្ដាញសង្គមហ្វេសប៊ុក បានលើកឡើងប្រហាក់ប្រហែលគ្នាថា វាមិនមែនជារឿងដែលងាយស្រួលនោះទេ ក្នុងការដឹកយកយន្តហោះដែលមានទំហំដ៏ធំមួយនេះ យកមកប្រទេសកម្ពុជាវិញនោះ គឺពិតជាពិបាកខ្លាំងណាស់។ប្រភព៖ ហ្វេសប៊ុក
