ភូមា៖ អ្នកបើកបរយន្តហោះនៅប្រទេសភូមា បានធ្វើការចុះចតយន្តហោះមួយគ្រឿងប្រកបដោយជោគជ័យ ទោះបីជាប្រើកង់ចំហៀងសងខាងស្លាប នៅពេលដែលកង់ខាងមុខមានបញ្ហា ធ្វើឱ្យគាំងមិនអាចបើកចេញបាន។ជើងហោះហើរអាកាសចរណ៍ភូមាលេខ ១០៣ មួយនេះ បានដឹកអ្នកដំណើរពីទីក្រុងយង់ហ្គូន ទៅកាន់ទីក្រុងម៉ាន់ដាឡៃ នៅពេលដែលពីឡុតដឹងថាយន្តហោះមានបញ្ហា។
ក្នុងសេចក្ដីថ្លែងការណ៍របស់ក្រុមហ៊ុនអាកាសចរណ៍ភូមាមួយនេះបានឲ្យដឹងថា អាកាសយានិក Myat Moe Aung បានអនុវត្តនីតិវិធីសង្គ្រោះបន្ទាន់ ហើយបានធ្វើឲ្យមានចំហេះសាំង ដែលធ្វើឲ្យយន្តហោះស្រាលជាងមុន ក្នុងពេលចុះចត។ មុនពេលទម្លាក់យន្តហោះ ដោយកង់ក្រោយ គាត់បានទម្លាក់ច្រមុះ ទៅលើផ្លូវយន្តហោះ ដែលវាប៉ះទង្គិចប្រមាណ ២៥វិនាទី មុនពេលឈប់ ប៉ុន្តែក៏មិនបានបង្កឱ្យមានមនុស្សស្លាប់ ឬ របួសឡើយ។
គួរបញ្ជាក់ផងដែរថា នេះគឺជាឧបទ្ទវហេតុទី២ហើយ ក្នុងប្រទេសភូមាក្នុងខែនេះ ដែលកាលពីថ្ងៃទី៨ ខែឧសភា មានយន្តហោះបង់ក្លាដេសមួយគ្រឿងរត់ធ្លាក់ផ្លូវយន្តហោះ បណ្ដាលឲ្យមនុស្សចំនួន ១៧រូបរងរបួស៕ ប្រភព៖CNN
ឃ
