ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក្រោយពីបានផ្ទេរមុខតំណែងពីខេត្តបាត់ដំបងមកកាន់រាជធានីភ្នំពេញ ឯកឧត្ដមបានចុះប្រតិបត្តិការ បង្ក្រាបគ្រឿងញៀនទ្រង់ទ្រាយធំ ក៏ដូចជាដោះស្រាយ អំពីបញ្ហាផ្សេងៗនៅក្នុងសង្គមផងនោះ បានធ្វេីឲ្យមហាជនជាច្រើន មានអំណរសាទរជាខ្លាំង។ជាមួយនឹងធ្វើការងារយ៉ាងយកចិត្តទុកដាក់ ដើម្បីរក្សាសន្តិសុខនៅក្នុងសង្គម លោកឧត្តមសេនីយ៍ឯក ស ថេត បានដឹកនាំប្រតិភូទៅកាន់ទីក្រុងស៊ិនជិន ខេត្តក្វាងទុង នៃសាធារណរដ្ឋប្រជាមានិតចិន កាលពីថ្ងៃទី១៣ ខែឧសភា ឆ្នាំ២០១៩នេះ។ ក្នុងកិច្ចដំណេីរទៅកាន់ប្រទេសចិននេះដែរ ឯកឧត្តម ស ថេត មានប្រសាសន៍តាមរយៈបណ្ដាញសង្គមហ្វេសប៊ុកថា៖
‹‹ទីក្រុងស៊ិនជិន ខេត្តក្វាងទុង នៃសាធារណរដ្ឋប្រជាមានិតចិន ថ្ងៃទី១៣ ខែឧសភា ឆ្នាំ២០១៩ ខ្ញុំបានដឹកនាំប្រតិភូ មកសិក្សាស្វែងយល់បច្ចេកវិទ្យាទំនេីបៗ ដេីម្បីជួយដោះស្រាយបញ្ហាគ្រោះថ្នាក់ចរាចរណ៍ និងបង្រ្កាបបទល្មេីសនៅក្នុងរាជធានីភ្នំពេញ។ ព្រឹកនេះ ខ្ញុំនិងប្រតិភូ បានមកដល់ក្រុមហ៊ុនបំពាក់កាមារ៉ាសុវត្ថិភាពតាមដងផ្លូវ ហេីយបន្ទាប់ពីធ្វេីបទបង្ហាញយ៉ាងក្បោះក្បាយ ឃេីញថាកាមារ៉ាសុវត្ថិបច្ចេកវិទ្យាចុងក្រោយៗ មានប្រយោជន៍យ៉ាងច្រេីនសម្រាប់សមត្ថកិច្ច ដូចជា នៅពេលមានគ្រោះថ្នាក់ចរាចរណ៍ កាមារ៉ាសុវត្ថិភាពអាចវិភាគជនបង្កថាតេីពាក់អាវពណ៍អី ឡានពណ៍អី ស្លាកលេខ សក់របស់ជនបង្កពណ៍អ្វីជាដេីម ហេីយនៅពេលបំពាក់កាមារ៉ាច្រេីន យេីងនឹងកាត់បន្ថយកម្លាំងធ្វេីការតាមដងផ្លូវ។ ខ្ញុំបានចាប់អារម្មណ៍កាមារ៉ាសុវត្ថិភាពដែលអាចថតបានចម្ងាយ១០គីឡូម៉ែត ហេីយបេីយេីងបំពាក់នៅរាជធានីភ្នំពេញ វានឹងមានប្រយោជន៍សម្រាប់ដឹងហេតុការណ៍បានទាន់ហេតុការណ៍។ គ្រាន់តែខេត្តស៊ិនជិនមួយ បានបំពាក់កាមារ៉ាសុវត្ថិភាពជាង១លានគ្រឿង ហេីយប្រជាជននៅខេត្តនេះ មានជាង២០លាននាក់។››៕ ប្រភព៖ ហ្វេសប៊ុក
