ភ្នំពេញ៖ កាលពីម្សិលមិញនេះ កំពូលតារាចម្រៀងស្រីជួរមុខក្នុងប្រទេសកម្ពុជា ឱក សុគន្ធកញ្ញា ជាមួយលោក អុឹង សុខលី ប្អូនប្រុសបង្កើតថៅកែផលិតកម្មរស្មី ហង្សមាស បានសម្រេចកាន់ដៃគ្នាចូលរោងការហេីយ ក្រោមការចាប់អារម្មណ៍ពីមជ្ឈដ្ឋានទូទាំងប្រទេស។ក្នុងកម្មវិធីជ័យមង្គលរបស់តារាចម្រៀងដ៏ល្បីរូបនេះ
ដោយក្នុងកម្មវីធីទាំងមូល បានរៀបចំឡេីង យ៉ាងអធិកអធម អមជាមួយក្បូរក្បាច់យ៉ាងប្រណិតតែម្តង រួមជាមួយនឹងការតុបតែងខ្លួន យ៉ាងស្រស់ស្អាតក៏ដូចជាសម្អាងការដ៏គួរឲ្យទាក់ទាញ និងល្អឥតខ្ចោះ ដែលធ្វើឲ្យមានការចាប់អារម្មណ៏ ពីមហាជនជាច្រេីន និងមានការកោតសរសើរមិនដាច់ពីមាត់នោះទេ។មិនត្រឹមតែមានការចូលរួមពីសំណាក់ភ្ញៀវកិត្តិយស និងតារាល្បីៗក្នុងវិថីសិល្បៈនោះទេ
ថែមទាំងមានវត្តមានអញ្ចេីញដ៏ខ្ពង់ខ្ពស់ចូលរួមពីសំណាក់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផងដែរ។លើសពីនេះទៅទៀត ផលិតកម្មហង្សមាស ក៏មានជាបទចម្រៀងធ្វើយ៉ាងពិសេសសម្រាប់គូស្នេហ៍មួយគូរនេះទៀតផង ដែលជាការបកស្រាយដោយកូនក្រមុំផ្ទាល់មានចំណងជើងថា ‹‹ស្រឡាញ់›› ដែលមានអត្ថន័យជ្រាលជ្រៅនៃចំណងស្នេហ៍សម្រាប់អ្នកទាំងពីរ។ ប្រភព៖ ហ្វេសប៊ុក
ដេីម្បីជ្រាបឲ្យកាន់តែច្បាស់ សូមប្រិយមិត្តរីករាយទស្សនាដូចតទៅ៖
