បរទេស៖ កាលពីពេលថ្មីៗនេះ មានបុរសសញ្ជាតិអាមេរិក បានធ្វើដំណើរទៅកាន់រមណីយដ្ឋានទេសចរណ៍មួយកន្លែងតាមជើងហោះហើររបស់ទ្វីបអឺរ៉ុប។ ក្នុងពេលធ្វើដំណើរនោះ គាត់ឮអ្នកផ្សេងទៀតជជែកគ្នាពីអ្វីដែលពួកគេសម្លឹងឃើញតាមបង្អួចយន្តហោះ គាត់ក៏លើកម៉ាស៊ីនថតរបស់គាត់ រេចុះឡើងដើម្បីផ្តិតយកទេសភាពលើអាកាស ។
ភ្លាមៗនោះអ្វីដែលគាត់បានឃើញ និងថតជាប់នោះ បានធ្វើឲ្យគាត់ស្រែកឡើងភ្លាត់សម្លេងឡើងថា៖ «អ្នកណាគេឈរលើពពកនោះ!» ។ ពួកគេបាននាំគ្នាមើល ហើយនិយាយថា រូបភាពនោះហាក់ដូចជាក្រុមគ្រួសារមួយក្រុមដែលមានមនុស្សធំ២នាក់ និងក្មេង២នាក់អីចឹង ។ សាក្សីទាំងអស់នៅលើជើងហោះហើរ សុទ្ធតែប្រាប់ឲ្យដឹងថា៖ «ខ្ញុំពិតជាបានឃើញផ្ទាល់ភ្នែកនូវទិដ្ឋភាពនេះ! ពិតជាមានគ្រួសារមួយកំពុងដើរលើពពក! មិនគួរឱ្យជឿទេ ព្រះអើយ!» ។
មនុសជាច្រើនគិតថា នេះជាអម្បូរមនុស្សមកពីក្រៅភពផែនដីហើយ! ។ បើយោងតាមគេហទំព័រ disclose.tv ថា ករណីនេះ ក៏ត្រូវបានថតដោយបណ្តាញ UFO របស់អាមេរិក (MUFON) ផងដែរ។
មានអ្នកជំនាញម្នាក់បានអះអាងថា រូបភាពនេះពុំមានការប្រើកម្មវិធីកែរូបដើម្បីធ្វើនោះទេ តែយ៉ាងណានោះ គាត់ក៏មិនមានយោបល់ដែរអំពីរូបនេះ ។
គួរបញ្ជាក់ផងដែរកាលពីឆ្នាំមុន ក៏មានអ្នកដំណើរម្នាក់មកពី Ireland ធ្វើរដំណើរទៅកាន់អូស្ត្រាលី ជាមួយជើងហោះហើរ Easy Jet ក៏ថតបាននៅរយៈកម្ពស់ប្រមាណ ៣០០០០ feet (៩១៥០ម៉ែត្រ) គាត់បានថតជាប់នូវមនុស្សម្នាក់សណ្ឋានដូចជាមនុស្សយន្តបានដើរលើពពក ដែលរូបភាពនេះមានសាក្សីពីសំណាក់អ្នករួមដំណើរនៃជើងហោះហើរនោះផងដែរ ។
នៅលើពិភពលោកយើងនេះ ពិតជាមានអាថ៌កំបាំងច្រើន ដែលអ្នកវិទ្យាសាស្ត្រ ពុំទាន់មានសមត្ថភាព និងបកស្រាយបាននៅឡើយ ៕
