ភ្នំពេញ៖ កាលពីម្សិលមិញថ្ងៃទី ២១ ខែឧសភា ឆ្នាំ២០១៩ ឯកឧត្ដម ខៀវ កាញារីទ្ធិ រដ្ឋមន្ត្រីក្រសួងព័ត៌មាន បានមានការលេីកឡេីង ពាក់ព័ន្ធនឹងមន្ត្រីមួយចំនួនក្នុងក្របខ័ណ្ឌរដ្ឋ ដែលមានឈ្មោះ តែមិនមកធ្វេីការ និងរង់ចាំតែបេីកប្រាក់ខែរៀងរាល់ខែ។ នៅក្នុងបណ្ដាញសង្គម
ឯកឧត្តមបានមានប្រសាសន៍លេីកឡេីងថា៖ ‹‹ក្រោយពីមានការរអ៊ូរទាំ របស់មន្ត្រីក្រសួងព័ត៌មាន ក្រសួងព័ត៌មានសុំអោយគ្រប់អគ្គនាយកដ្ឋាន បញ្ជូនឈ្មោះ និង រូបថត មន្ត្រីណាខ្លះ ដែលមានតែឈ្មោះ តែបេីកប្រាក់ខែ ដើម្បីរួមចំណែក អភិបាលកិច្ចល្អ របស់រាជរដ្ឋាភិបាល ដេីម្បីខ្ញុំបង្ហោះរូប អ្នកដែលសុីលេីកម្លាំងមន្ត្រីរបស់ក្រសួង››។ជុំវិញការលេីកឡេីងបែបនេះរបស់ឯកឧត្តម ខៀវ កញ្ញារីទ្ធ ខាងលើនេះ ត្រូវបានមហាជនក៏ដូចជាប្រជាពលរដ្ឋជាច្រើន មានការគាំទ្រយ៉ាងខ្លាំង ព្រមទាំងសំណូមពរដល់ស្ថាប័នផ្សេងៗ អនុវត្តដូចគ្នាចំពោះបញ្ហានេះ៕ប្រភព៖ ហ្វេសប៊ុក
