ក្រចេះ៖ នាព្រឹកថ្ងៃទី២៣ ខែឧសភា ឆ្នាំ២០១៩នេះ តាមប្រភពព័ត៌មានបានរាយការណ៍ឱ្យដឹងថា មានករណីលិចសាឡាងមួយគ្រឿង ដែលបានកើតឡើងនៅចំណុចកំពង់ចម្លងកំពង់គរ ក្នុងស្រុកឆ្លូង ខេត្តក្រចេះ។
យោងតាមលោក ឆុង តូរ៉ាន់ អធិការស្រុកឆ្លូងបានបញ្ជាក់ឲ្យដឹងថា ហេតុការណ៍ខាងលើនេះបណ្ដាលមកពីរថយន្តចំនួន២គ្រឿង ម៉ាក HiNo ដែលមានម្ចាស់ឈ្មោះ សេង គីម ចាំង បានដឹកដីពេញឡានឆ្លងពីពង្រ ទៅកោះតាស៊ុយ បានរអិលកង់មកខាងឆ្វេងទាំងពីរបណ្ដាលឲ្យផ្អៀងតែម្ដងទៅ ហើយរថយន្ដទាំងពីរគ្រឿង និងម៉ូតូមួយគ្រឿងត្រូវធ្លាក់ចូលក្នុងទន្លេ។
តែទោះជាយ៉ាងណា នៅក្នុងហេតុការណ៍ក្រឡាប់សាឡាងនេះ មិនបណ្ដាលឲ្យមានមនុស្សស្លាប់ ឫរងរបួសនោះទេ រថយន្តត្រូវបានស្ទូចឡើងមកវិញ ហើយម្ចាស់រថយន្តក៏បានសម្របសម្រួលគ្នារួចអស់ហើយដែរ៕
វីដេអូពីហ្វេសប៊ុក៖
https://www.facebook.com/SakarachTV/videos/2309520642460190/
