ពិតជាគួរឲ្យសោកស្តាយណាស់ ដោយសារអង្គភាពសុនខស៊ីម៉ាក់ បានបាត់បង់នូវ សុនខញីមួយក្បាល ដែលមានឈ្មោះថា DIA អាយុជាង ៨ឆ្នាំ មកពីប្រទេសប៊ូសស្នៀ ដែលបានបំរើប្រយោជន៍មនុស្សជាតិ មានសកម្មភាពបោសសម្អាតមីន និងគ្រាប់យុទ្ធភ័ណ្ឌមិនទាន់ផ្ទុះនៅកម្ពុជា។ ទន្ទឹងនឹងនេះ សុនខនេះបានបង្កេីតកូនសុនខ១០ក្បាល ដើម្បីជាប្រយោជន៍ដល់អង្គភាពសុនខសុីម៉ាក់ផងដែរ នេះបើយោងតាមការបង្ហោះរបស់លោក ហេង រតនា អគ្គនាយកមជ្ឈមណ្ឌលកំចាត់មីនកម្ពុជា នៅថ្ងៃទី២៥ ខែឧសភា ឆ្នាំ២០១៩នេះ ។សុនខដែលបម្រើក្នុងវិស័យបោសសម្អាតមីន សុនខប្រឆាំងគ្រឿងញៀន សុនខសន្តិសុខ សុនខប្រឆាំងភេវរកម្ម
សុនខកងទព័ សុនខគ្រួសារ ជាមិត្តភ័ក្តិ ជាមិត្តរួមអាវុធ ដ៏ស្មោះត្រង់បំផុត ពួកគេខិតខំហាត់ពុតលត់ដំ តាំងពីតូចរហូតមានជំនាញច្បាស់លាស់ និងមានសមត្ថភាពបំរេីមនុស្សលោករបស់យើង។ អគ្គនាយកមជ្ឈមណ្ឌលកំចាត់មីនកម្ពុជា ក៏បានសំណូមពរឲ្យបងប្អូនមួយចំនួនបញ្ឈប់ជាបន្ទាន់ក្នុងការបរិភោគសាច់សុនខ ដោយលោកបានលើកឡើងថា ‹‹អ្នកបរិភោគសាច់សុនខ ដូចបរិភោគសាច់កូនចៅមិត្តភ័ក្តិខ្លួនឯង ហេីយការបរិភោគសាច់សុនខនេះ វាក៏ប្រឆាំងទៅនឹងទំលៀមទំលាប់ វប្បធម៌ប្រពៃណីដ៍ល្អប្រពៃនៃជាតិសាសន៍ខ្មែរយេីងផងដែរ››៕ ប្រភព៖ហ្វេសប៊ុក
