សៀមរាប៖ បើបានទៅលេងសៀមរាប កុំភ្លេចឈាងចូលលេងកម្សាន្ត នៅរមណីយដ្ឋាន ភូមិស្លា ដែលមានទេសភាពយ៉ាងស្រស់បំព្រង ជាមួយការរៀបចំហេដ្ឋារចនាសម្ព័ន្ធយ៉ាងប្រណិត បែបជនបទ ស្រុកស្រែ ពិតជាទាក់ទាញ និងស្រស់ស្រាយខ្លាំងណាស់ ។ រមណីយដ្ឋានភូមិស្លា នេះ ស្ថិតនៅក្នុងភូមិកន្ត្រក ឃុំស្វាយដង្គំ ក្រុងសៀមរាប ខេត្តសៀមរាប មិនឆ្ងាយប៉ុន្មានពីភ្នំក្រោម។
ប្រសិនលោកអ្នក ចង់ទៅលេងរមណីយដ្ឋានភូមិស្លា ត្រូវធ្វើដំណើរតាមផ្លូវក្រវាត់ក្រុងឆ្ពោះទៅកាន់ វត្ដចក ចូលតាមច្រកផ្សារកន្ដ្រក ប្រមាណជា ២ គីឡូម៉ែត្រ លោកអ្នកនឹងបានឃើញដើមឈើដង្គត់ទើបដុះពន្លកស្លឹកថ្មីឈរ នៅអមសាងខាងផ្លូវ ដែលមានស្លាកសញ្ញាប្រាប់ភ្ញៀវថា ជិតដល់ទីតាំងរមណីយដ្ឋានធម្មជាតិ ភូមិស្លានោះហើយ ។
ក្រៅពីមុខម្ហូបស្រុកស្រែ រមណីយដ្ឋានធម្មជាតិ ភូមិស្លា រំលេចនូវទស្សនីយភាពប្លែក ជាមួយនឹងកញ្ចុះធំ ៧ ការគយគន់មើលទេសភាពមាត់បឹងធម្មជាតិ និង ផ្ទះបុរាណ ១ ខ្នង ព្រមទាំងកញ្ចុះខ្នាតកណ្ដាលចំនួន ១៣ អមដោយសម្រស់វាលស្រែពណ៌បៃតងស្រស់ ទិដ្ឋភាពភ្នំក្រោម ដោយទទួលខ្យល់ជំនោរត្រជាក់គ្រប់ពេលវេលា ៕
សូមទស្សនារូបភាពខាងក្រោមនេះ៖
