ជនជាតិឥណ្ឌាម្នាក់ ដែលជា Youtuber ទៅលេងប្រទេសកម្ពុជា ចង់សាកចិត្តជនជាតិខ្មែរ បានធ្វើជាវីដេអូជ្រុះលុយពិតៗ នៅ២កន្លែងផ្សេងៗគ្នា គឺមួយធ្វើនៅសៀមរាប និងមួយទៀតធ្វើនៅភ្នំពេញ។ នៅក្នុងវីដេអូដែលបង្ហោះដោយជនជាតិឥណ្ឌាដែលមានឈ្មោះថា Meh Raj បានយកលុយជិត១០០ដុល្លារ ធ្វើជាជ្រុះ ក្នុងចំណោមមនុស្សកំពុងដើរទៅដើរមក។ អ្វីដែលបុរសឥណ្ឌានោះកោតសរសើរ និងភ្ញាក់ផ្អើលនោះ គឺមិនមានជនជាតិខ្មែរណាម្នាក់យកលុយរបស់លោកឡើយ ដោយអ្នកខ្លះចង្អុលប្រាប់ និងអ្នកខ្លះក៏រើសឱ្យលោកវិញ។
លោកបានបង្ហោះនៅលើបណ្ដាញសង្គមហ្វេសប៊ុក ដោយសរសេរថា៖ «How honest CAMBODIANS are?» ជាភាសាខ្មែរថា «ភាពស្មោះត្រង់នៃជនជាតិកម្ពុជា គឺបែបណា?»។ វីដេអូមួយនេះទទួលបានការចាប់អារម្មណ៍ពីជនបរទេសជាច្រើន និងកោតសរសើរពីភាពស្មោះត្រង់របស់ប្រជាជនយើង ប៉ុន្តែក្នុងនោះ ក៏បានបង្ហាញពីជនជាតិបរទេសខ្លះ បែរជារើសលុយនោះមិនឲ្យលោកវិញដែរ ៕ប្រភព៖ហ្វេសប៊ុក
ចង់ជ្រាប់កាន់តែច្បាស់សូមទស្សនាវីដេអូខាងក្រោមនេះ៖
វីដេអូធ្វើការចិត្ត នៅទីក្រុងភ្នំពេញ (វគ្គ១)៖
វីដេអូធ្វើការចិត្ត នៅទីក្រុងភ្នំពេញ (វគ្គ២)៖
