ភ្នំពេញ៖ តាមប្រភពពី អធិការនគរបាលខណ្ឌទួលគោក លោក សុខ ហេង បានប្រាប់ឲ្យដឹងមុននេះថា បុរសម្នាក់ដែលពាក់ឯកសណ្ឋានជានគរបាលពាក់ស័ក្ដិ៣ ដែលបានលួច iPad មួយគ្រឿង ក្នុងហាងមួយកន្លែងនៅខណ្ឌទួលគោក បានចូលខ្លួនមកសារភាពនៅចំពោះមុខសមត្ថកិច្ចហើយ។លោកក៏បានបញ្ជាក់បន្ថែមដែរថា បុរសរូបនេះពិតជាមន្ដ្រីនគរបាលមែន ប៉ុន្ដែលោកមិនទាន់បានបញ្ជាក់ថា បម្រើការងារនៅអង្គភាពណានោះទេ ដោយកំពុងតែសាកសួរនៅអធិការដ្ឋាន នគរបាលខណ្ឌទួលគោក។
លោកអធិការក៏បានបញ្ជាក់ថែមទៀតថា ក្រោយពីបានដឹងព័ត៌មាននេះភ្លាម កម្លាំងនគរបាលរបស់លោក សហការជាមួយកម្លាំងនគរបាលសន្ដិសុខ បានចុះស្រាវជ្រាវ ហើយមន្ដ្រីនគរបាលរូបនេះ ក៏បានយល់ព្រមចូលមកសារភាពពីទោសកំហុស និងប្រគល់ iPad ជូនទៅម្ចាស់ហាងវិញ ។បើតាមសមត្ថកិច្ចមូលដ្ឋានបានលួចបង្ហើបថា មន្រ្តីនគរបាលរូបនេះមានឈ្មោះថា ហេង ហាប់ អាយុ២៥ឆ្នាំ បម្រើការងារនៅនាយកដ្ឋានព្រំដែនទឹក ក្រសួងមហាផ្ទៃ៕ ប្រភព៖ហ្វេសប៊ុក
សូមទស្សនាវីដេអូខាងក្រោម៖
