ព្រះសីហនុ៖ កាលពីថ្ងៃទី៣០ ខែឧសភា ឆ្នាំ២០១៩ មហាជនមានការភ្ញាក់ផ្អើល និងប្រតិកម្មយ៉ាងខ្លាំង ចំពោះវីដេអូ ដែលបានបង្ហោះលើបណ្ដាញសង្គម ដោយគណនី Tna Daily ដែលក្នុងនោះ គេឃើញថា មានករណីកាយផ្ដាច់ផ្លូវមួយកន្លែងនៅស្រុកព្រៃនប់ ខេត្តព្រះសីហនុ ដែលធ្វើឡើងដោយជនជាតិចិន ក្នុងគោលបំណងមិនឱ្យជនជាតខ្មែរ មិនឱ្យធ្វើដំណើរចូលទៅឆ្នេរមាស ឆ្នេរពេជ្រ នៅស្រុកព្រៃនប់។
បើយោងតាមប្រភពព័ត៌មានគណនីខាងលើ បានបញ្ជាក់ប្រាប់ថា ‹‹ភូមិស្មាច់ដែង ឃុំរាមស្រុកព្រៃនប់ ខេត្តព្រះសីហនុ មានការកាត់បំផ្លាញផ្លូវដោយជនជាតិចិនមិនអោយខ្មែរបានធ្វើដំណើរចូលទៅឆ្នេរមាសឆ្នេរពេជ្របានឡើយ››។
បើយោងតាមវីដេអូ អ្នកសារព័ត៌មានម្នាក់ បានធ្វើការសាកសួរពីមូលហេតុនៃការកាត់ផ្ដាច់ផ្លូវ មិនឱ្យប្រជាជនខ្មែរធ្វើដំណើរឆ្លងកាត់បែបនេះ ជនជាតិចិនរូបនោះបានអះអាងថា ផ្លូវមួយខ្សែនោះខាងក្រុមហ៊ុនរបស់ខ្លួនជាអ្នកធ្វើ ចង់កាត់ ឬចង់ទុក្ខជាសិទ្ធរបស់ខ្លួន បើចង់ឆ្លងកាត់ឱ្យប្រជាជនខ្មែរដើរកាត់ព្រៃ។
រហូតមកដល់ពេលនេះមិនទាន់មានការបកស្រាយណាមួយឡើយ៕ ប្រភព៖ ហ្វេសប៊ុក
ចង់ជ្រាបកាន់តែច្បាស់ សូមទសស្សនាវីដេអូខាងក្រោម៖
