សូម​ប្រុងប្រយ័ត្នខ្ពស់! វីដេអូស្តែងៗ ដែលស្ត្រីម្នាក់ ត្រូវបានចោរ២នាក់ ឆក់កាបូបដួល ខណៈពេលកំពុងដើរតាមផ្លូវ

ពេលថ្មីៗនេះ មានវីដេអូ បង្ហាញនូវសកម្មភាពចោរពីរនាក់ បានឆក់កាបូបពីស្ត្រីម្នាក់ដែលកំពុងធ្វើរដំណើរថ្មើរជើងនៅតាមដងផ្លូវធំ បណ្ដាលឱ្យដួលលើផ្លូវទាំងជនរងគ្រោះ និងជនល្មើស ហើយប្រជាពលរដ្ឋក៏បានជួយដេញចាប់បានជនល្មើសម្នាក់ផងដែរ។

បើតាមកាមេរ៉ាសុវត្ថិភាព ហេតុការណ៍នេះបានកើតឡើងកាលពីថ្ងៃទី១ ខែមិថុនា ឆ្នាំ២០១៩កន្លងទៅនេះ ដែលក្នុងនោះតាមវីដេអូ ដែលបានបង្ហោះ គេសង្កេតឃើញក្នុងចំណោមចោរ២នាក់ ម្នាក់ដែលជាអ្នកបើកម៉ូតូ បានជិះរត់បាត់ស្រមោល ចំណែកបក្ខពួកម្នាក់ផ្សេងទៀតនោះ ត្រូវបានប្រជាពលរដ្ឋក្របួចបានយកទៅឲ្យសមត្ថកិច្ចចាត់ការតាមនីតិវិធីច្បាប់ ហើយស្ត្រីរងគ្រោះក៏ទទួលបានកាបូបត្រឡប់មកវិញផងដែរ។

តាមរយៈគណនីហ្វេសប៊ុកឈ្មោះ Dara Sak ដែលបានបង្ហោះវីដេអូព្រមទាំងសរសររៀបរាប់ឲ្យដឹងថា៖ ‹‹នេះគឺជាវីដេអូ​ ដែលចោរធ្វេីសកម្មភាពឆក់​កាបូបមីងរបស់ខ្ញុំ​ នៅព្រឹក​មិញនេះ..​ សូម​បងប្អូនទាំងអស់​គ្នាមេត្តា​មានការ​ប្រុងប្រយ័ត្ន​អោយបានខ្ពស់​ នៅពេលធ្វេីដំណេីរ​ ទៅណាមកណា››៕ ប្រភព៖ ហ្វេសប៊ុក

សូមទស្សនាវីដេអូ បង្ហាញពីសកម្មភាពចោរឆក់កាបូប៖

https://www.facebook.com/100009405125269/videos/2360279407628874/

https://www.facebook.com/100009405125269/videos/2360280297628785/

https://www.facebook.com/100009405125269/videos/2360280317628783/