អ្នកនិយមលេងបណ្ដាញសង្គមជាច្រើននាំគ្នា បើកភ្នែកធំៗ ជាមួយនឹងភាពភ្ញាក់ផ្អើលយ៉ាងខ្លាំង ដោយសាររូបភាពប៉ុន្មានសន្លឹកដែលបានបង្កោះនៅលើបណ្ដាញសង្គម ដែលជារូបភាពនៃ បង្គោលភ្លើង ១៦ដើមនៅកំបូល បានរាបដល់ដី ក្រោយភ្លៀងធ្លាក់មួយមេធំ លាយឡំនឹងខ្យល់កន្ត្រាក់ខ្លាំង។
អ្វីដែលធ្វើឱ្យ អ្នកនិយមលេងបណ្ដាញសង្គមនាំគ្នាចែករំលែកពេញបណ្ដាញសង្គមហ្វេសប៊ុក និងបង្កឱ្យមានការហួសចិត្តគ្រប់គ្នានោះ គឺបង្គោលភ្លើងទាំងនោះ គ្មានដែកសូម្បីមួយសសៃ ។ មានប្រជាពលរដ្ឋជាច្រើន បានលើកឡើងថា បង្គោលភ្លើងគ្មានដែកបែបនេះពិតជាបង្កគ្រោះថ្នាក់ខ្លាំង នេះសំណាងហើយដែលមិនបាក់សង្កត់លើមនុស្ស ។
តាមរយៈបណ្ដាញសង្គម មហាជនជាច្រើន បានសំណូមពរទៅកាន់អាជ្ញាធរ ក៏ដូចជា ស្ថាប័នពាក់ព័ន្ធសូមមេត្តាជួយត្រួតពិនិត្យមើលបញ្ហានេះផង ជៀសវាងការបង្កគ្រោះថ្នាក់ជាយថាហេតុដល់ប្រជាជនដែលធ្វើដំណើរតាមដងផ្លូវ៕ ប្រភព៖ ហ្វេសប៊ុក
