កាលពីល្ងាចថ្ងៃទី៤ ខែមិថុនា ឆ្នាំ២០១៩ ម្សិលមិញនេះ មានភ្លៀងមួយមេយ៉ាងធំ លាយឡំជាមួយនឹងខ្យល់កន្ត្រាក់បោកបក់យ៉ាងខ្លាំង បង្កការភ័យខ្លាចដល់បងប្អូនប្រជាពលរដ្ឋ ជាពិសេសអ្នកកំពុងធ្វើដំណើរ។
ហើយកាលពីម្សិលមិញនេះដែរ ខ្យល់កន្ត្រាក់បានបណ្ដាលឱ្យកួចប៉ើងដំបូលអគាររោងចក្រកាត់ដេរមួយកន្លែង ដែលមានឈ្មោះថា FTEO បណ្តាលឲ្យកម្មករកម្មការិនីភ័យខ្លាច រត់ទាំងព្រលឹងចុងសក់រកកន្លែងសុវត្ថិភាព ប៉ុន្តែក្នុងនោះ ក៏មានកម្មការិនីជិត ១០នាក់ ដែលបានរាយការណ៍ថារងរបួស ។
ដោយឡែកក៏មានបង្គោលភ្លើងចំនួន ១៦ដើម ត្រូវបានខ្យល់កន្ត្រាក់បោកបក់ឲ្យដួលបាក់ផងដែរ ស្ថិតនៅតាមផ្លូវជាតិលេខ៤ ភូមិថ្មដា និងភូមិស្ងួនពេជ្រ សង្កាត់កន្ទោក ខណ្ឌកំបូល រាជធានីភ្នំពេញ។
សូមបងប្អូនប្រុងប្រយ័ត្នផង នៅពេលធ្វើដំណើរពេលភ្លៀងធំ ជាពិសេសនៅពេលមានខ្យល់ខ្លាំង សូមប្រញ៉ាប់រកកន្លែងសុវត្ថិភាព៕ ប្រភព៖ ហ្វេសប៊ុក
សូមទស្សនាវីដេអូខាងក្រោម៖
