ភ្នំពេញ៖ កាលពីថ្ងៃទី៣ ខែមិថុនា ឆ្នាំ២០១៩កន្លងទៅនេះ មានហេតុការណ៍ហិង្សាមួយបានកើតឡើង នៅមុខស្ថានទូតចិន ផ្លូវម៉ៅសេទុង សង្កាត់ទួលទំពូង២ ខណ្ឌចំការមន មានបុរសជនជាតិចិន ២នាក់ បានយកកាំបិតចាក់ ចិនម្នាក់ផ្សេងទៀតបណ្តាលអោយរបួស ហើយត្រូវសមត្ថកិច្ច ដឹកយកទៅសង្គ្រោះនៅមន្ទីរពេទ្យ ។
ជនសង្ស័យទាំង៣នាក់ មាន៖
- ទី១ ឈ្មោះ HAN DONG (ជនដៃដល់) ភេទប្រុស អាយុ៣៧ឆ្នាំ មកពីខេត្តជាំងស៊ូ ប្រទេសចិន
- ទី២. ឈ្មោះ Yan Shi Chao (ជនដៃដល់) ភេទប្រុស អាយុ ៣៧ឆ្នាំ ហៅអាម៉ាប់ (រត់គេចខ្លួន) មកពីខេត្តជាំងស៊ូ ប្រទេសចិន
- ទី៣ បក្ខពួកឈ្មោះ Yan Xiao Er ភេទប្រុស អាយុ ៣៧ឆ្នាំ មកពីខេត្តជាំងស៊ូ ប្រទេសចិន
តាមរយៈសាក្សី ដែលបានឃើញហេតុការណ៍ ប្រាប់ឱ្យដឹងថា គេឃើញមានជនជាតិចិនចំនួន ៣នាក់ជាបក្ខពួកនឹងគ្នា បានដើរនៅមុខស្ថានទូតរង់ចាំចូលស្ថានទូតចិន តែក៏មានបុរសជនជាតិចិនម្នាក់ទៀត ជាជនរងគ្រោះ បានដើរប៉ះគ្នាតិចតួចជាមួយជនបង្ក ស្រាប់តែជនដៃដល់ បានដកកូនកាំបិតពីហោប៉ៅ ចាក់ទៅលើជនរងគ្រោះបណ្ដាលដួលរងរបួសធ្ងន់ ហើយភ្លាមៗជនបង្កក៏បានរត់ចេញពីកន្លែងកើតហេតុផងដែរ រីឯជនរងគ្រោះ ត្រូវបានសមត្ថកិច្ចដឹកទៅសង្រ្គោះ នៅមន្ទីរពេទ្យមិត្តភាពខ្មែរសូវៀតដើម្បីព្យាបាលរបួស។
ជនជាតិចិនចំនួន២នាក់ដែលត្រូវបានចាប់ខ្លួន បានឆ្លើយសារភាពថា ខ្លួនមានបក្ខពួកទាំងអស់ ៣នាក់ ហើយម្នាក់ដែលមានឈ្មោះ Yan Xiao Er ភេទប្រុស អាយុ ៣៧ឆ្នាំ នៅខេត្តជាំងស៊ូ ប្រទេសចិន មិនបានចូលរួមចាក់ជនរងគ្រោះនោះទេ ហើយជនដៃដល់ម្នាក់ទៀតឈ្មោះ Yan Shi Chao ហៅអាម៉ាប់ អាយុ ៤២ឆ្នាំ ដែលបានរត់គេចខ្លួនបាត់ស្រមោលនោះ គឺចូលរួមចាក់ជនរងគ្រោះដែរ។ មូលហេតុគឺដោយសារទំនាស់ ជាមួយបុរសជនរងគ្រោះ បានដើរទៅបុកមិត្តភ័ក្រ្តខ្លួន ទើបខឹងក៏ដកកូនកាំបិតចាក់តែម្ដងទៅ រួចក៏នាំគ្នាចែកគ្នារត់ តែរត់ដល់ផ្លូវ១៧៣ សង្កាត់ទំនប់ទឹក ខណ្ឌចំការមន ត្រូវបានសមត្ថកិច្ចឃាត់បានតែម្ដង៕ប្រភព៖ ហ្វេសប៊ុក
