អបអរសាទរ! ជម្រុះ World Cup កម្ពុជា​ យកឈ្នះ ប៉ាគីស្ថាន ខណៈ​ក្រុម​អាស៊ាន​ ២ទៀត សុទ្ធតែចាញ់​ (មានវីដេអូ)

សូមចូលរួមអបអរសារទ ក្រុមបាល់ទាត់​ជម្រើសជាតិ​កម្ពុជា បានយកឈ្នះ​ក្រុម​បាល់ទាត់​ជម្រើសជាតិនៃប្រទេសប៉ាគីស្ថាន ក្នុងលទ្ធផល ២-០ ក្នុងវគ្គជម្រុះជុំទី១ FIFA World Cup 2022 ជើងទី១ នៅ​ពហុ​កីឡដ្ឋាន​ជាតិ​កម្ពុជា យប់ថ្ងៃទី៦ ខែមិថុនា ឆ្នាំ២០១៩នេះ។

នៅក្នុងយប់នេះដែរ មាន៤គូផ្សេងទៀត ត្រូវជម្រុះ​វគ្គ​ដំបូង ជើងទី១ដូចគ្នានេះ ហើយក៏​បាន​បញ្ចប់​ហើយដែរ ក្នុងនោះ​មានក្រុម​មកពី​តំបន់​អាស៊ាន​ដូចគ្នាមាន ២ប្រទេស គឺ​ឡាវ និងប្រ៊ុយណេ តែបានចាញ់ការប្រកួតទាំង២ក្រុម។

ខាងក្រោមនេះ គឺជាលទ្ធផល សម្រាប់ការប្រកួតថ្ងៃនេះ៖

• ម៉ុងហ្គោលី ឈ្នះ ប្រ៊ុយណេ ២-០
• ប៊ូតង់ ឈ្នះ Guam ១-០
• ម៉ាកាវ ឈ្នះ ​ស្រីលង្កា ១-០
• ឡាវ ចាញ់ បង់ក្លាដេស ០-១

រីឯ១គូទៀត គឺក្រុម ម៉ាឡេស៊ី និង​ទីម័រខាងកើត នឹងត្រូវប្រកួតជើងទី១ នៅស្អែកនេះ ថ្ងៃទី៧ ខែមិថុនា។ ចំពោះការប្រកួតជើងទី២ នៃវគ្គជម្រុះជុំដំបូងទាំង ៦គូ នឹងត្រូវធ្វើឡើងនៅថ្ងៃទី១១ ខែមិថុនា៕

សូមទស្សនាវីដេអូពី BTV៖