(មណ្ឌលគិរី)៖ ប្រតិបត្តិការបង្ក្រាបបទល្មើសព្រៃឈើទ្រង់ទ្រាយធំ នៅខេត្តមណ្ឌលគិរី នៅរសៀលថ្ងៃទី០៩ ខែកក្កដា ឆ្នាំ២០១៩នេះ កម្លាំងសមត្ថកិច្ចកងរាជអាវុធហត្ថ បានបង្ក្រាបទ្រង់ទ្រាយធំមួយ ដោយចាប់ខ្លួនមនុស្ស ៤នាក់ ក្នុងនោះមានឧកញ៉ា ស៊ឹង សំអុល ប្រធានក្រុមហ៊ុន ដែលល្បីល្បាញខាងបំផ្លាញព្រៃឈេីនៅខេត្តមណ្ឌលគិរី គ្មានអ្នកណាហ៊ានប៉ះ និងមេការ២នាក់ ព្រមទាំងអ្នកបើករថយន្តម្នាក់ ព្រមទាំងដកហូតរថយន្ដជាង៤០គ្រឿងផងដែរ ក្រោមការដឹកនាំការបង្ក្រាប និងបញ្ជាផ្ទាល់ពី ឯកឧត្ដមនាយឧត្ដមសេនីយ៍ សៅ សុខា។
បើតាមបញ្ជាក់ឱ្យដឹងពី លោកឧត្តមសេនីយ៍ អេង ហ៊ី រថយន្ដល្មើសផ្សេងទៀត ត្រូវបានឈ្មួញយកទៅលាក់ទុកនៅក្នុងព្រៃ ហើយនៅពេលនេះកម្លាំងជំនាញ កំពុងរុករកយ៉ាងក្ដៅគគុក ហើយរថយន្ដដែលសមត្ថកិច្ចរកឃើញនៅក្នុងព្រៃ នឹងបំផ្លាញចោលនៅទីនោះតែម្ដង។
ក្រោយចាប់ឃាត់ខ្លួន ឧកញ៉ា ស៊ឹង សំអុល និង កូនចៅ កំពុងស្ថិតនៅ ទីបញ្ជាការកងរាជអាវុធហត្ថខេត្តមណ្ឌលគីរី និងត្រូវចាត់ការតាមនិតិវិធីច្បាប់បន្តទៀត។ សូមបញ្ជាក់ថា មធ្យោបាយដឹកជញ្ជូនបទល្មើសព្រៃឈើ នឹងត្រូវបំផ្លាញចោលនៅនឹងកន្លែងតែម្តង ដែលអនុវត្តទៅតាមវិធានការថ្មីៗ ពីគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ ៕ ប្រភព៖ ហ្វេសប៊ុក
រថយន្តដឹកឈើត្រៀមដុតបំផ្លាញចោល៖
