ភ្នំពេញ៖ សូមរំលឹកថា កាលពីប៉ុន្មានថ្ងៃមុននេះ មានរូបថតមួយសន្លឹកត្រូវបានបង្ហោះលើបណ្ដាញសង្គមហ្វេសប៊ុក បង្កឱ្យមានការភ្ញាក់ផ្អើលឡើង ដោយសារការអះអាងពីគណនីមួយបញ្ជាក់ថា ស្ត្រីមា្នក់ត្រូវបានបុរសម្នាក់ បានប្រើងអំពើរហឹង្សាវាយប្រពន្ធ ឱ្យរងរបួសឈាមពេញមុន និងបានយកកូនកាំបិតឆូតមុខទៀតផង ហើយគ្មានលុយទៅមន្ទីរពេទ្យ រហូតផ្អើលដល់ស្នងការដ្ឋាននគរបាលរាជធានីភ្នំពេញ ប្រកាសស្វែងរកស្ត្រីរងគ្រោះតាមបណ្ដាញសង្គមដើម្បីសាកសួរ និងរកយុត្តិធម៌ជូននារីរងគ្រោះតាមច្បាប់។
ស្រាប់តែនៅថ្ងៃត្រង់ទី១០ ខែកក្កដា ឆ្នាំ២០១៩នេះ បុរសជាប្តីខាងលើ ត្រូវបានសមត្ថកិច្ចចាប់ខ្លួនហើយ ចំណុចផ្ទះជួល ក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ហើយសមត្ថកិច្ចបានអនុញ្ញាតិឱ្យអ្នកសារព័ត៌មានធ្វើការសំភាសន៍ បំភ្លឺទាក់ទងនឹងករណីហឹង្សាខាងលើ។ ក្នុងនោះដែរ បុរសជាប្ដីដែលជាប់សង្ស័យបានប្រាប់ឱ្យដឹងថា៖
គ្រាន់តែលឺសំដីតែម្ខាង បែរជាបងប្អូនក្នុងបណ្ដាញសង្គមធ្វើការជេរប្រមាថដល់រូបខ្ញុំទាំងមិនដឹងកាពិត ហើយជេរទាំងអ្នកខេត្តព្រៃវែងទៀត ។ ខ្លួន និងនារីជាប្រពន្ធបានរស់នៅជាមួយគ្នា តាំងពីឆ្នាំ ២០១៦ ដោយបានសែននៅផ្ទះខាងស្រី ឯខេត្តរតនគីរី ។ ការរួមរស់ជាមួយគ្នាបានកូនស្រី១ អាយុ១ខួបកន្លះ តែមិននឹកស្មានថា ប្រពន្ធទៅមានប្រុសថ្មីបែបនោះ ហើយថែមទាំងចោទប្រកាន់ថា ខ្លួនបានវាយ និងយកកាំបិតឆូតមុខទៀត ។
សាច់រឿងគឺ ដំបូងឡើយខ្លួនមកពីធ្វើការ ហើយបានតាមទាន់ឃើញប្រពន្ធលួចក្បត់ចិត្ត ថតរូបឱបគ្នាជាមួយនឹងប្រុសផ្សេង ទាំងកំពុងមានប្តី និងកូនរួចទៅហើយ។
ពេលនោះបុរសជាប្ដីបានសួរដេញដោល និងនិយាយណែនាំ ប៉ុន្តែប្រពន្ធក៏ខឹងច្រឡោតឡើង ហើយប្រើហិង្សាមកលើគាត់មុន ទើបគាត់ជាប្តីការពារខ្លួន ក៏ជ្រុលមួយដៃចំមុខប្រពន្ធរបួសបែបនេះតែម្តង ហើយរឿងដែលចោទថាគាត់យកកាំបិតមកឆូតមុខនោះ គឺមិនពិតនោះទេ នាងជាប្រពន្ធពន្លើសទាំងអស់ របួសនោះព្រោះតែពេលជ្រុលដៃនោះ នាងដួលត្រូវកូនសោរនោះទេ ។
បុរសជាប្ដីបញ្ជាក់ទៀតថា កន្លងមកក៏ធ្លាប់មានបញ្ហានឹងគ្នាដែរ តែមិនមែនគាត់ វាយប្រពន្ធមុននោះទេ គឺប្រពន្ធទេ ដែលវាយមកលើគាត់មុន គាត់គ្រាន់តែការពារខ្លួនតែប៉ុណ្ណោះ បើមិនជឿ មានម្តាយ និងប្អូនស្រីអាចធ្វើសាក្សីបាន។
ទោះជាយ៉ាងណា ក៏ករណីហិង្សាបណ្តាលឱ្យមានរបួសដល់ប្រពន្ធនោះ ត្រូវបានសមត្ថកិច្ចឃាត់ខ្លួន បុរសជាប្តីដើម្បីធ្វើការសាកសួរ និង កសាងសំណុំរឿងចាត់ការតាមផ្លូវច្បាប់បន្តទៀត។ គួរបញ្ជាក់ថា ជនសង្ស័យជាប្តីឈ្មោះ ហ៊ន សម្ផស្ស ២៤ឆ្នាំ ជាអ្នកបើកបរ ស្នាក់នៅផ្ទះជួល សង្កាត់ទួលសង្កែទី១ ជាអ្នកខេត្តព្រៃវែង ចំណែកនារីជាប្រពន្ធឈ្មោះ អាត លីណា អាយុ២២ឆ្នាំ ជាអ្នកបម្រើការតាមហាង ។៕ ប្រភព៖ ហ្វេសប៊ុក
