ភ្នំពេញ៖ កាលពីម៉ោងប្រមាណ ៤ទាបភ្លឺ ថ្ងៃទី ២២ ខែកក្កដា ឆ្នាំ២០១៩ មានករណីអគ្គិភ័យឆាបឆេះរថយន្តដឹកទំនិញធុនធំម៉ាក Hyundai មួយគ្រឿងយ៉ាសន្ធោសន្ធៅ នៅត្រង់ចំណុច បុរីហាយធិច២ ស្ថិតនៅក្រុមទី៤ ភូមិតាង៉ៅ សង្កាត់និរោធ ខណ្ឌច្បារអំពៅ នេះបើតាមប្រភពព័ត៌មានពីហ្វេសប៊ុក ស្នងការដ្ឋាននគរបាលរាជធានីភ្នំពេញ ។
យោងតាមសមត្ថកិច្ចបានប្រាប់ឱ្យដឹងថា រថយន្តនេះពាក់ស្លាកលេខ 3D- 6074 បានដឹកទំនិញពីខេត្តកែវ មករាជធានីភ្នំពេញដើម្បីបន្តចែកចាយ ប៉ុន្តែមិនទាន់បានទម្លាក់អីវ៉ាន់ផង ស្រាប់មានអគ្គិភ័យឆាបឆេះតែម្ដង ។ សមត្ថកិច្ចបានបញ្ជាក់ថា មូលហេតុនៃការឆេះនេះ បណ្តាលមកពីការឆ្លងចរន្តអគ្គិសនីចេញពីកាប៊ីនឡាន ហើយកម្លាំងពន្លត់អគ្គិភ័យបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ ចំនួន ២៨គ្រឿង អស់ទឹក១១២គីប ហើយករណីនេះក៏ពុំមានមនុស្សរងគ្រោះថ្នាក់ដល់អាយុជីវិតមនុស្សឡេីយ ។
សូមបញ្ជាក់ផងដែរថា រថយន្តមួយគ្រឿងនេះបានដឹកទំនិញមានដូចជា ដូចជាសាប៊ូដុះខ្លួន សារាងចាក់ថ្នាំ មេអាស៊ីត ធុងហ្គាសធំ និងសម្ភារៈប្រើប្រាស់ជាច្រើនទៀត ៕
រូបភាពពី ហ្វេសប៊ុក
