ទៀតហើយ! សមត្ថកិច្ច បានបង្ក្រាបជនជាតិចិនមួយក្រុម ជំរិតទារប្រាក់ពីជនជាតិចិនដូចគ្នា នៅខេត្តព្រះសីហនុ

ខេត្តព្រះសីហនុ៖ យោងតាមព័ត៌មានពីសមត្ថកិច្ចខេត្តព្រះសីហនុ បានឱ្យដឹងជាបឋមថា កាលពីម៉ោង ៨កន្លះយប់ម្សិលមិញ ថ្ងៃទី២១ ខែកក្កដា ឆ្នាំ២០១៩ កម្លាំងសមត្ថកិច្ចចម្រុះមាននគរបាល និងកងរាជអាវុធហត្ថខេត្ត បានចុះបង្ក្រាបករណីជំរិត ដែលបង្កឡើងដោយក្រុមជនជាតិចិនជំរិត ជនជាតិចិនដូចគ្នា នៅសណ្ឋាគារនិងកាសុីណូ ឃ្វីនកូ ស្ថិតក្នុងបន្ទប់លេខ៦ ជាន់ទី៥ ក្នុងសង្កាត់លេខ៣ ក្រុងព្រះសីហនុ ។

ក្នុងនោះដែរ សមត្ថកិច្ចក៏បានបញ្ជាក់បន្ថែមថាថា ជនរងគ្រោះដែលបានចាប់ជំរិតមាន២នាក់ ចំណែកឯជនសង្ស័យមាន បក្ខពួកទាំងអស់ ៨នាក់ ។ ក្រោយពីប្រតិបត្តិការបង្ក្រាប សមត្ថកិច្ចបានប្រមូលវត្ថុតាងដែលរួមមាន រថយន្ត Lexus 570 មួយគ្រឿង ទូរស័ព្ទដៃទាំងអស់ ១០គ្រឿង កាតធនាគារ១៣ លិខិតឆ្លងដែន ៣ក្បាលអត្តសញ្ញណប័ណ្ណចិន៤ កាបូបស្ពាយមួយ ខ្សែរិតមួយដុំ ។

បច្ចុប្បន្ននេះនគរបាលខេត្តព្រះសីហនុ បាននាំយកជនសង្ស័យទាំងអស់ ដើម្បីធ្វើការសាកសួរ និងបន្តនិតិវិធីតាមផ្លូវច្បាប់ ៕

រូបភាព និងប្រភពពី ហ្វេសប៊ុក Huy Bunleng