ភ្នំពេញ៖ មន្ត្រីតុលាការបានឲ្យដឹងថា ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ នៅព្រឹកថ្ងៃទី២៥ ខែវិច្ឆិកា ឆ្នាំ២០២០ បានបើកសវនាការប្រកាសសាលក្រម លើសំណុំរឿងស្ដ្រីដៃដល់ឈ្មោះលីវ ប៊ុនធឿន អាយុ៤៣ឆ្នាំ ដែលបានយកកាំបិត ទៅវះ មុខ ក្មេងស្រី រងគ្រោះ ដោយសារតែខឹងក្មេងនោះ គប់ដុំថ្មបណ្ដាលឲ្យបែកក្បាលកូនប្រុសខ្លួន។ ក្រុមប្រឹក្សាជំនុះជម្រះ បានបានសម្រេចដាក់ពន្ធនាគារស្ត្រីខាងលើ កំណត់រយៈពេល ១២ឆ្នាំ ។
សូមរំលឹកផងដែរថា ស្រ្តីដៃដល់ឈ្មោះ លីវ ប៊ុនធឿន អាយុ៤៣ឆ្នាំ មានទីលំនៅផ្ទះលេខ៦ ផ្លូវលេខ២៦ បុរីភពថ្មីឈូកវ៉ា២ ក្នុងភូមិតិក្ខប្បញ្ញោ សង្កាត់សំរោងក្រោម ខណ្ឌពោធិ៍សែនជ័យ។ រីឯក្មេងស្រីរងគ្រោះឈ្មោះ ឡាស់ម៉ាវី លីយ៉ា អាយុ៥ឆ្នាំ រស់នៅផ្ទះលេខ១៨ ផ្លូវលេខ២០ បុរីភពថ្មីឈូកវ៉ា២ ភូមិតិក្ខប្បញ្ញោ សង្កាត់សំរោងក្រោម។ ស្ត្រីជាជនដៃ បានឆ្លើយសារភាពថា នៅរសៀលថ្ងៃកើតហេតុ ថ្ងៃទី១៦ ខែកក្កដា ឆ្នាំ២០២០ ខ្លួនបានទៅទិញកូនកាំ បិ តនៅក្នុងផ្សារ រួចក៏ចា ប់ក្មេងស្រីរងគ្រោះអា រមុខ ច្រមុះ និង ដៃ គឺ ជាការតបស្នងដែលក្មេងស្រីរងគ្រោះបានយកដុំថ្មគ ប់ទៅលើកូនប្រុសរបស់ខ្លួន ។
ស្ត្រីរូបនេះសារភាពទៀតថា ខ្លួនខឹ ងខ្លាំងណាស់ដេកមិនលក់២យប់មកហើយ ដោយសារតែក្មេងស្រីរងគ្រោះ ធ្វើឱ្យកូនខ្លួនចេញឈា ម ហើយត្រូវដឹងថាកូនខ្លួនធំឡើងនឹងក្លាយជាតារាផង។ ដូច្នេះ ខ្លួនសុំត្រឹមតែឱ្យក្មេងស្រីរងគ្រោះរូបនេះ ចេញឈា មវិញដូចជាកូនខ្លួនដែរ ៕
