សេចក្ដីប្រកាសរបស់ក្រសួងសុខាភិបាលនៅព្រឹកថ្ងៃទី២៩ ខែវិច្ឆិកា ឆ្នាំ២០២០នេះ មានករណីវិជ្ជមានវីរុសកូវីដ-១៩ ថ្មី ចំនួន ០៧នាក់ និងអ្នកជាសះស្បេីយ ០២នាក់។ ក្រសួងសុខាភិបាលបញ្ជាក់ថានេះជាករណីលេីកដំបូងនៃការចម្លងចូលសហគមន៍ ។
លទ្ធផលនៃការធ្វើតេស្តរបស់ឯកឧត្តម ឆែម សាវុធ គឺវិជ្ជមានកូវីដ ១៩ ។ បន្ថែមពីនេះមានវិជ្ជមាន៤នាក់ថែមទៀតពាក់ព័ន្ធនឹងភរិយាឯកឧត្តម ឆែម សាវុធ ដែលធ្វេីឱ្យអ្នកផ្ទុកសរុបកេីនដល់៦នាក់លេីករណីនេះ។ លោកជំទាវ យក់ សម្បត្តិ បានបញ្ជាក់ដូច្នេះ បន្ទាប់ពីសម្តេចតេជោបានប្រកាសថាជំងឺកូវីដ១៩ បានឆ្លងចូលសហគមនៅកម្ពុជាហើយ។
គ្រាន់តែមួយថ្ងៃក្រសួងសុខាភិបាលបានរកឃើញមនុស្សដែលពាក់ព័ន្ធសរុប៦នាក់។ សម្តេចតេជោនាយករដ្ឋមន្ត្រីហ៊ុន សែនបានណែនាំកុំអោយមានការប្រមូលផ្តុំ និងសូមកុំអោយចេញក្រៅផ្ទះ។ សម្តេចតេជោបញ្ជាក់ថា នេះគឺជាការឆ្លងសហគមជាលើកដំបូងនៅកម្ពុជា។ សម្តេចតេជោមិនទាន់អោយបិទសាលារៀននៅភ្នំពេញ និង សៀមរាបនៅឡើយទេ។
សម្តេចតេជោ ស្នើសុំបិទផ្សារទំនើបអ៊ីអន១ មួយរយះពេលសិន ដើម្បីរកអ្នកពាក់ព័ន្ធមកធ្វើតេស្ត។ សម្តេចតេជោបញ្ជាក់ថា ករណីនេះមានការពាក់ព័ន្ធទីក្រុងភ្នំពេញ ខេត្តសៀមរាប បន្ទាយមានជ័យ និង មណ្ឌលគិរីដោយសារសម្តេចក្រឡាហោមសខេង បានធ្វេីដំណើរទៅខេត្តមណ្ឌលគិរី។
ដោយឡែកក្រៅពីក្រុមគ្រួសាររបស់អ្នកជំងឺ គឺមានសម្តេចក្រឡាហោម ស ខេង ឯកឧត្តម ប៊ិន ឈិន ឯកឧត្តម កើត រិទ្ធិ និងថ្នាក់ដឹកនាំមួយចំនួនទៀតដែលត្រូវធ្វើតេស្ត និងធ្វើចត្តាឡីស័ក ។
សម្តេចតេជោស្នើសុំអោយពលរដ្ឋបង្កើនការប្រុងប្រយ័ត្ន និងត្រូវជៀសវាងកុំធ្វើការប្រមូលផ្តុំ និងបើមិនចាំបាច់ទេសុំកុំចេញពីផ្ទះ តែសម្តេចតេជោនៅមិនទាន់សម្រេចថាបិទសាលារៀននៅភ្នំពេញ និង សៀមរាបនៅឡើយទេ។ សម្តេចតេជោបញ្ជាក់ថា កម្មវិធីសម្ពោធផ្លូវនៅសៀមរាប នឹងប្រព្រឹត្តទៅជាធម្មតា។ សម្តេចតេជោរំពឹងថាពលរដ្ឋនឹងជំនះអោយបានដើម្បីទប់ស្កាត់ការរីករាលដាលក្នុងសហគមន៍។
សម្តេចតេជោបញ្ជាក់ថា ឧបនាយករដ្ឋមន្ត្រី រដ្ឋមន្ត្រី អភិបាលក្រុងសៀមរាប និង ថ្នាក់ដឹកនាំមួយចំនួនក៍កំពុងធ្វើចត្តាឡីស័កដែរ។
ភរិយារបស់ឯកឧត្តម ឆែម សាវុធ អគ្គនាយកនៃអគ្គនាយកដ្ឋានពន្ធនាគារក្រសួងមហាផ្ទៃ ត្រូវបានរកឃើញនៅថ្ងៃនេះថាផ្ទុកខូវិដ ១៩ ដែលនេះជាមិនមែនជាករណីនាំចូលទេ ធ្វើអោយមន្ត្រីក្រសួងសុខាភិបាលព្រួយបារម្ភជាខ្លាំង។
លោកជំទាវ យក់ សម្បត្តិបានថ្លែងថា គាត់មានរោគសញ្ញាចំនួន១០ថ្ងៃហើយ ហើយគាត់ធ្វើដំណើរចេញចូលភ្នំពេញ សៀមរាប និង បានទៅញ៉ាំអីនៅផ្សារទំនើបអ៊ីអន១ កាលពីថ្ងៃសៅរិ៍សប្តាហ៍មុន។ បច្ចុប្បន្ននេះគាត់នៅភ្នំពេញ និងកំពុងធ្វើទុក្ខដោយសារហត់ខ្លាំង ។
លោកជំទាវ យក់ សម្បត្តិបានសង្កត់ធ្ងន់ថា អ្វីដែលគួរបារម្ភខ្លាំងបំផុតគឺគាត់មិនមែនជាអ្នកដំណើរទេ គឺជាករណីក្នុងស្រុក។
អស័យដ្ឋានរបស់អ្នកជំងឺគឺនៅបុរីប៉េងហួត ផ្លូវ ៦០ម៉ែត្រ។
ក្រសួងសុខាភិបាលកំពុងស្រាវជ្រាវជាបន្ទាន់ និងបានធ្វើតេស្តលើក្រុមគ្រួសាររបស់គាត់និងអ្នកពាក់ព័ន្ធ ព្រមទាំងនឹងស្នើរសុំធ្វើតេស្តថ្នាក់ដឹកនាំជាន់ខ្ពស់ដែលបានជួបប្រជុំជាមួយ ឯកឧត្តម ឆែម សាវុធ។
លោកជំទាវ យក់ សម្បត្តិបញ្ជាក់ថា ករណីនេះគឺត្រូវការទ្រង់ទ្រាយធំណាស់ ដើម្បីរកអ្នកដែលពាក់ព័ន្ធ៕
