Loading...
យោងតាមការចុះផ្សាយរបស់ក្រសួងសុខាភិបាលនៅព្រឹកថ្ងៃទី៦ ខែធ្នូ ឆ្នាំ២០២០នេះ លទ្ធផលសម្រាប់ថ្ងៃទី៥ ខែធ្នូ ឆ្នាំ២០២០ កម្ពុជារកឃើញមានករណីវិជ្ជមានវីរុសកូវីដ-១៩ ថ្មីចំនួន ០១នាក់ ដែលពាក់ព័ន្ធព្រឹត្តិការណ៍សហគមន៍ ២៨វិច្ឆិកា និងមានអ្នកជាសះស្បេីយម្នាក់។
បុរសជនជាតិខ្មែរឈ្មោះ សាយ សៅលាង អាយុ២១ឆ្នាំ មានអាសយដ្ឋាននៅជិតវត្តសន្សំកុសល សង្កាត់បឹងទំពន់ ខណ្ឌមានជ័យ រាជធានីភ្នំពេញ ជាបុគ្គលិកហាង Carl’s Jr Burger ទួលទំពូង ធ្លាប់រស់នៅជាមួយអ្នកជំងឺឈ្មោះ ញិល សុខ កូឡា ភេទប្រុស អាយុ ២២ឆ្នាំ មុនថ្ងៃទី ២៨ ខែ វិច្ឆកា ឆ្នាំ២០២០ ដែលធ្វើការនៅហាង Pedro ផ្លូវព្រះសីហនុ ដែលបានរកឃើញមានវីរុសកូវីដ១៩ នៅថ្ងៃទី ៣ ខែធ្នូ ឆ្នាំ២០២០ កំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ៕
