Loading...
ភ្នំពេញ៖ ក្រសួងសុខាភិបាល នារសៀលថ្ងៃទី៧ ខែធ្នូ ឆ្នាំ២០២០នេះ បានប្រកាសបិទអគារកាណាឌីយ៉ាទាំងមូលបន្តទៀត រយៈពេល១៤ថ្ងៃ ហើយបុគ្គលិកទាំងអស់នឹងត្រូវធ្វើតេស្តលើកទី២ នៅថ្ងៃទី១៣ ខែធ្នូ និងលើកទី៣នៅថ្ងៃទី១៧ ខែធ្នូ។
ក្នុងសេចក្ដីប្រកាសរបស់ក្រសួងសុខាភិបាល នៅរសៀលថ្ងៃទី០៧ ខែធ្នូ ឆ្នាំ២០២០បានឱ្យដឹងថា បុគ្គលិកនៅធនាគារចិនម្នាក់ មានវិជ្ជមានជំងឺកូវីដ-១៩ ហើយបានប្រើប្រាស់ជណ្ដើរយន្ដរួមគ្នា នៅអគារកាណាឌីយ៉ា ដូចច្នេះត្រូវបិទអគារកាណាឌីយ៉ាទាំងមូលបន្តទៀតរយៈពេល១៤ថ្ងៃ គិតចាប់ពីថ្ងៃទី០៣ ខែធ្នូ ដល់ថ្ងៃទី១៧ ខែធ្នូ ឆ្នាំ២០២០។
ក្រសួងបានបញ្ជាក់ទៀតថា សម្រាប់បុគ្គលិកដែលធ្វើការនៅទីនោះទាំងអស់ ត្រូវធ្វើតេស្តជាលើកទី២ នៅថ្ងៃទី១៣ ខែធ្នូ និងលើកទី៣ នៅថ្ងៃទី១៧ ខែធ្នូ ឆ្នាំ២០២០៕
