នាង Aff Taksaorn វីរនារីមួយរូបដែលបានកាន់តំណែងជាស្រីមេម៉ាយកូនមួយអស់រយៈពេលយូរមក ហើយក៏មិនទាន់បានរកឃើញបុរសណាម្នាក់មកស្អំបេះដូងនៅឡើយទេ។ នៅក្នុងឱកាសនេះផងដែរ សង្គេតឃើញថា តារាសម្ដែងស្រីល្បីឈ្មោះ Aff Taksaorn បានប្រារព្ធខួបកំណើតគម្រប់៤១ឆ្នាំ យ៉ាងសប្បាយរីករាយទៀតផង។
យ៉ាងណាមិញថ្មីៗនេះ Aff Taksaorn បានធ្វើការបង្ហោះរូបភាពជាច្រើន នឹងបង្ហាញនំខួបកំណើតដ៏ធំតាមរយៈប្រព័ន្ធ Instagram @aff_taksaorn ផ្ទាល់ខ្លួន។ ក្រោយមក ស្រាប់តែលេចមុខបុរសសង្ហាចំនួន៣នាក់ Tim Phitha, Tor Thanapob និង Tee Thanapol ចូលមកខមិនជូនពរខួបកំណើតនាងក្នុងឆ្នាំនេះផងដែរ។
អ្វីដែលសំខាន់ក្រៅពីបុរសទាំងបីខាងលើ នៅមានវីរបុរស Neng Saran ដែលជាបណ្ឌិតរូបសង្ហាមានសញ្ញាប័ត្រខ្ពស់ និងជាតួឯកមួយរូបដែលធ្លាប់មានស្ថានភាពទាក់ទងជាមួយ Aff Thaksorn ក៏បានបង្ហោះរូបថតមួយសន្លឹកលើ IG ព្រមអមសារដ៏មានអត្ថន័យថា “HBD na kub”។
ជាមួយគ្នានោះ បន្ទាប់ពីព្រឹត្តិការណ៍ខួបកំណើតនេះត្រូវបានចែកចាយតាមបណ្ដាញសង្គម បានធ្វើឲ្យទាំងអ្នកគាំទ្ររបស់ Aff Thaksorn និងអ្នកគាំទ្ររបស់យុវជនទាំង ៤ សម្ដែងអារម្មណ៍សប្បាយចិត្តយ៉ាងខ្លាំង អំពីមិត្តភាពនៃទំនាក់ទំនងរវាងបងប្អូនក្នុងវិស័យសិល្បៈកក់ក្ដៅបែបនេះ៕
ប្រភព៖ បរទេស
