កញ្ញា Vill Wannarot ជាតារាដ៏ល្បីមួយរូបទៀតដែលប្រឡូកក្នុងវិស័យសិល្បៈអស់ជាច្រើនឆ្នាំមកហើយ ថែមទាំងបានបង្កើតស្នាដៃឆ្នើមជាច្រើនតាមរយៈរឿងភាគថៃ ក៏ដូចជាការបង្ហាញម៉ូដតាមបណ្ដាវិស័យផ្សេងៗ រហូតទទួលបានការចាប់អារម្មណ៍ ស្រឡាញ់ពេញចិត្តពីសំណាក់អ្នកគាំទ្រមកដល់បច្ចប្បន្ននេះ។
ជាក់ស្ដែងដូចបានឃើញហើយ កាលពីម្សិលមិញ (ថ្ងៃទី៤ ឧសភា ២០២២) តារាស្រីរូបនេះ បានធ្វើឲ្យមានការភ្ញាក់ផ្អើលជាថ្មីម្ដងទៀត ក្រោយទម្លាយរូបភាពមួយសន្លឹកអំឡុងពេលចូលក្នុងវិស័យសិល្បៈថ្មី នឹងជាការសម្ដែងរឿងភាគដំបូង តាមរយៈ IG story ព្រមទាំងបន្ថែម Caption ថា “ចង់ដឹងថា Phi View ចូលសិល្បៈពីឆ្នាំណា?
យ៉ាងណាមិញ បន្ទាប់ពីបង្ហោះមិនបានប៉ុន្មានសម្គាល់ឃើញថា មានបណ្ដាអ្នកគាំទ្រមួយចំនួនធំលើបណ្ដាញសង្គម ចូលមកចុចឡែក នឹងខមិនសួរសំណួរជាច្រើនទាក់ទងនឹងរូបភាពពីអតីតកាលមួយនេះយ៉ាងច្រើនកុះករផងដែរ។
ជាមួយគ្នានោះ Vill Wannarot ក៏បានបញ្ជាក់លើរូបភាពថា “ក្នុងឆ្នាំ ២០០៨ រឿងទី១ Kaew Lom Phet (ខ្ញុំមិនស្គាល់ Boa, Saikik,៥៥៥ ទេ)។ ជាការពិតមែន សម្រស់អាចនឹងផ្លាស់ប្តូរតាមពេលវេលា និយាយមិនលាក់លៀម មុខស្ដើងស្អាតបានដោយសារ Botox ប៉ុណ្ណោះ”៕
ប្រភព៖ បរទេស
