កាលពីម្សិលមិញ (១០ មិថុនា ៦៥) គឺជាថ្ងៃមង្គលការរវាងគូស្នេហ៍ផ្អែមល្ហែម Pancake Khemanit និង លោកអធិការ Saksunthorn បន្ទាប់ពីទាក់ទងគ្នាជាង១០ឆ្នាំកន្លងមកនេះ។ ខណៈពេលដែលអ្នកទាំងពីរបានស្លៀកសម្លៀកបំពាក់កូនកំលោះកូនក្រមុំ បានបង្ហាញនូវភាពស្រស់ស្អាត សង្ហា សុភាពរាបសារ ក្នុងពិធីមង្គលការលក្ខណៈគ្រួសារ ដោយមានមិត្តភ័ក្តិជិតស្និទ្ធទាំងក្នុងនិងក្រៅឧស្សាហ៍ចូលរួមអបអរសាទរផងដែរ។
ក្នុងនាមជាកូនកំលោះរបស់ Pancake ប្រាកដណាស់ មនុស្សជាច្រើនប្រហែលជាចង់ស្គាល់ឱ្យកាន់តែច្បាស់ថា គាត់ជានរណា និងមកពីណា។ តោះមកស្គាល់លោកអធិការ Saksunthorn ទាំងអស់គ្នា តើចំណូលរបស់មន្ត្រីរាជការក្នុងកម្រិតនេះទទួលបានប៉ុន្មាន?
ចំពោះ អធិការ Mee មានឈ្មោះពិត “លោកវរសេនីយ៍ទោ Saksunthorn Premanon” អាយុ៤៥ឆ្នាំ ជាកូនប្រុសតែម្នាក់របស់ “Pol. Col. Chutipakorn Premanon” អតីតជាអធិការ ជនអន្តោប្រវេសន៍ និងជាចៅប្រុសរបស់ “វរសេនីយ៍ឯក ពិសេស Phraya Thakonsornsilp”ឬ “Singto Premanon” ដែលជាកម្មាភិបាលនគរបាលខេត្តទី១ ឯម្តាយឈ្មោះ Nong Nooch Premanon ជាម្ចាស់ដីដ៏ធំមួយនៅកណ្តាលទីក្រុងបាងកក តំបន់ Thonglor។
អធិការ Mee កើតនិងធំឡើងនៅក្នុងប្រទេសថៃ សិក្សានៅសាលាប្រទេសថៃ រហូតចូលរៀនថ្នាក់វិទ្យាល័យ នៅអាយុ ១៦ ឆ្នាំ លោកក៏សម្រេចចិត្តទៅសិក្សានៅប្រទេសសហរដ្ឋអាមេរិកតែម្នាក់ឯង។ មុនត្រឡប់ទៅធ្វើការនៅប្រទេសថៃវិញក្នុងវិស័យកម្សាន្ត លោកបានធ្វើការនៅក្នុងជំរុំ Grammy ក្នុងនាមជាផលិតករឱ្យកម្មវិធីផ្សេងៗ។ក្រោយមកក៏សម្រេចចិត្តធ្វើការជាមួយជំរំ BEC Tero មានតួនាទីជាអ្នករៀបចំកម្មវិធីប្រគុំតន្ត្រីធំមួយ ទន្ទឹមនឹងនេះដោយដឹងថាអ្នកនៅក្នុងគ្រួសារធ្វើការក្នុងជួររដ្ឋាភិបាលយូរមកហើយ អធិការ Mee ក៏បានសម្រេចចិត្តបង្វែរជីវិតការងារពីការងារសិល្បៈមកបម្រើមន្ត្រីរាជការ ដូចជាអាជីពប៉ូលីស ដោយចាប់ផ្តើមពីឋានន្តរស័ក្តិ “ស.ស.ស.” បន្ទាប់ពីទទួលបានសញ្ញាបត្របរិញ្ញាបត្រ ក៏បានទៅបណ្ដុះបណ្ដាលអាជ្ញាប័ណ្ណប៉ូលិសរហូតទទួលបានឋានៈជា “ប៉ូលីស”។ ចំណែក ប្រាក់ខែវិញលោកអធិការ Mee គឺទទួលបានប្រមាណ១៦.១៩០-៥៤.៨២០ បាត។
*ខាងក្រោមនេះជាប្រាក់ខែអ្នកដែលមានឋានន្តរស័ក្តិវរសេនីយ៍ទោ ឬលើសពីនោះគឺ
-ឋានន្តរស័ក្តិ វរសេនីយ៍ទោ និង វរសេនីយ៍ទោ នគរបាល ទទួលបានប្រាក់បៀវត្សរ៍ កម្រិត (ស.១) ចាប់ពី ៦,៤៧០ – ៣៨,៧៥០ បាត។
-នាយនគរបាល ទទួលបានប្រាក់បៀវត្សរ៍កម្រិត (ស.២) ១៣.១៦០-៣៨.៧៥០ បាត។
-វរសេនីយ៍ទោ ទទួលប្រាក់បៀវត្សកម្រិត (ស.៣) ១៦.១៩០-៥៤.៨២០ បាត។
-វរសេនីយ៍ឯក ទទួលប្រាក់បៀវត្សកម្រិត (ស.៤) ១៩.៨៦០-៥៨.៣៩០ បាត
-វរសេនីយ៍ឯក (ពិសេស) ទទួលបានប្រាក់បៀវត្សកម្រិត (ស.៥) ២៤,៤០០-៦៩,០៤០ បាត។
ប្រភព៖ IG
