យោងតាមគេហទំព័រ Noticieros Televisa បានផ្សព្វផ្សាយ ឃ្លីបវីដេអូ នៃឧប្បត្តិហេតុដ៏រន្ធត់នេះ។ យុវជនម្នាក់បានដេកលើពូកខ្យល់ ជិះបណ្ដែតខ្លួនតាមដងប្រឡាយលិចទឹកលើដងផ្លូវ ក្នុងទឹកមុខរីករាយដូចជាកំពុងជិះក្បូន មិនខ្លាចគ្រោះថ្នាក់។
យុវជនម្នាក់នេះ ជិះបណ្ដែតខ្លួនរហូតដល់មាត់លូដែលមានមិត្តភក្តិម្នាក់ទៀតកំពុងរង់ចាំទទួល។ ក្នុង ឃ្លីបវីដេអូនេះ គេឃើញយុវជនម្នាក់ទៀតព្យាយាមទាញមិត្តខ្លួនឡើងដែរ ប៉ុន្តែដោយសារចរន្តទឹកខ្លាំងពេក ទើបគាត់មិនអាចទាញមិត្តភ័ក្តិបានដូចការគ្រោងទុក ហើយទីបំផុតទាំងមិត្តភ័ក្តិ ទាំងពូកខ្យល់ ត្រូវបានហូរចូលលូបាត់ទៅ។
ហេតុការណ៍នេះបានកើតឡើងនៅក្នុងរដ្ឋ Chihuahua នៃប្រទេសម៉ិកស៊ិក ដែលវីដេអូនេះត្រូវបានថតកាលពីរសៀលថ្ងៃព្រហស្បតិ៍ (២៥ សីហា) នេះបើយោងតាមរបាយការណ៍។ ទីក្រុងជាច្រើនក្នុងរដ្ឋ Chihuahua បានរងការវាយប្រហារដោយភ្លៀងធ្លាក់ខ្លាំង ដែលបណ្តាលឱ្យមានទឹកជំនន់ទឹកភ្លៀងនៅក្នុងតំបន់ជាច្រើន។
បន្ទាប់ពីឃ្លីបវីដេអូនេះត្រូវបានគេផ្សព្វផ្សាយតាមបណ្តាញសង្គម មានមនុស្សជាច្រើនបានបញ្ជាក់ថា បុរសក្នុងឃ្លីបនេះមិនបានស្លាប់ទេ។
ទោះយ៉ាងណាមន្ត្រីក្នុងតំបន់បានចេញមកនិយាយពីបញ្ហានេះ និងដាស់តឿនមនុស្សកុំយកតម្រាប់តាមដូចបុរសនៅក្នុងឃ្លីបនោះ ព្រោះមិនត្រឹមតែមានគ្រោះថ្នាក់ដល់អាយុជីវិតប៉ុណ្ណោះទេ ម្យ៉ាងទៀតវាជាទឹកស្អុយ ទោះជាមានលាយជាមួយទឹកភ្លៀងក៏ដោយ៕ ប្រភព៖ Noticieros Televisa
#Viral en las redes sociales.
Captan a joven en un colchón inflable sobre el Canal #GomezMorin en #Delicias Chihuahua después de la intensa lluvia que azotó a la Ciudad y dejó inundaciones repentinas.
La segunda parte del video espero obtenerla en próximas horas pic.twitter.com/U9waCHo2eI— Chihuahua Tiempo Severo (@ClimaChihuahua1) August 26, 2022
