ដូចដែលយើងទាំងអស់គ្នាធ្លាប់ដឹងហើយថា អ្នកដែលឡាយវីដេអូតែងតែប្រើ វីដេអូ Filter ដើម្បីជួយលើកសម្រស់របស់ខ្លួនឲ្យស្អាតជាងមុនក្នុងអំឡុងពេលនៃការឡាយវីដេអូរបស់ពួកគេ ។ វាគ្មានរឿងអីគួរឲ្យខ្មាស់អៀននោះឡើយ ព្រោះសឹងតែគ្រប់គ្នាទៅហើយដែលប្រើវា។ ប៉ុន្តែសម្រាប់តារាសម្តែងស្រី Liu Yifei វិញ នាងបានធ្វើការបញ្ជាក់មួយថា នាងមិនត្រូវការវាតាំងពីដំបូងមកម្ល៉េះ។
ថ្មីៗនេះ តារាស្រីវ័យ ៣៥ ឆ្នាំរូបនេះ បានចេញផ្សាយផ្ទាល់ (Live Stream) ដើម្បីជជែកលេងជាមួយអ្នកគាំទ្ររបស់ខ្លួន។ យ៉ាងណាមិញ Yifei នាងមិនបានផាត់មុខឡើយ ហើយក៏បានច្រឡំដៃ ចុចបិទ Filter ដោយចៃដន្យ។ នាងបានប្រាប់អ្នកគាំទ្រថា នាងមិនដឹងថាត្រូវបើកវាវិញដោយរបៀបណាទេ ហើយសុំឱ្យពួកគេ «អត់ធ្មត់ចាំបន្តិច»។
គ្រាន់តែ ដឹងថាតារាស្រី Yifei មិនបានផាត់មុខ អ្នកនិយមលេងអ៊ីនធឺណេតជាច្រើនបានសម្រុកចូលស្ទ្រីម ដើម្បីឃើញមុខមាត់ពិតរបស់នាង។
អ្នកនិយមលេងអ៊ីនធឺណិតម្នាក់បានសួរថា “[នាង] ស្អាតពេកហើយ តើនាងបានបិទ Filter ហើយឬនៅ?
ម្នាក់ទៀតបាននិយាយថា “មានតែ Liu Yifei ទេដែលអាចបន្តការផ្សាយបន្តផ្ទាល់ដោយគ្មាន Beauty Filter” ។
អ្នកនិយមលេងអ៊ីនធឺណេតមួយចំនួនក៏បាននិយាយផងដែរថា ពេលនេះពួកគេដឹងពីភាពខុសគ្នារវាងតារាល្បី និង influencer ព្រោះថា influencer ប្រហែលជាមើលទៅមិនស្អាត ដោយគ្មានជំនួយបន្ថែមនោះឡើយ៕
រូបថត៖ chinapress
