ក្រុមចម្រៀងស្រីកូរ៉េ Blackpink បានបង្កើតប្រវត្តិសាស្ត្រ YouTube ដោយក្លាយជា Channel តន្ត្រីដំបូងគេដែលមានអ្នកចុច Subscribe ដល់ទៅ ៨០លាននាក់។
មិនត្រឹមតែបទចម្រៀងនៅចំណាត់ថ្នាក់កំពូលនោះទេ នៅត្រីមាសនេះ Youtube Channel របស់ពួកគេដែលបង្កើតកាលពីប្រាំមួយឆ្នាំមុន នៅពេលដែលពួកគេបានបង្ហាញខ្លួនជាលើកដំបូង នៅថ្ងៃច័ន្ទ (ថ្ងៃទី 5 ខែកញ្ញា) ពួកគេបានឈានដល់កម្រិត 80លាន Subscriber។ BLACKPINK channel ក៏ជាតន្ត្រីដំបូងគេដែលមានចុច Subscribe 70លាននាក់ក្នុងខែវិច្ឆិកា ឆ្នាំ2021ដែរ។
កាលពីខែមុន ក្រុមចម្រៀង K-pop ដ៏ល្បី BTS បានកើនចំនួនចុច Subscribe ដល់ 70លាននាក់ ដោយវ៉ាដាច់តារាចម្រៀងសញ្ជាតិកាណាដា Justin Bieber ដែលកំពុងឈានទៅរកការទទួលបានអ្នកចុច Subscribe 69.9 លាននាក់។
អ្នកទី៤នៅក្នុងតារាងគឺ DJ និងផលិតករ Marshmello ជនជាតិអាមេរិក បន្ទាប់មកគឺតារារ៉េបអាមេរិក Eminem តារាចម្រៀងអង់គ្លេស Ed Sheeran និងតារាចម្រៀងអាមេរិក Ariana Grande, Taylor Swift, Billie Eilish និង Katy Perry ។
គួរឲ្យដឹងថាក្រុមចម្រៀងស្រី Blackpink នឹងចេញអាល់ប៊ុមទីពីររបស់ខ្លួន Born Pink នៅថ្ងៃទី 16 ខែកញ្ញា ហើយចាប់ផ្តើមដំណើរទេសចរណ៍ពិភពលោករបស់ខ្លួននៅចុងឆ្នាំនេះ។
បទចម្រៀង Pink Venom បានបង្ហោះកាលពីថ្ងៃទី 19 ខែសីហា កន្លងទៅនេះ ហើយក៏ជាវីដេអូចម្រៀងបំបែកឯតទគ្គកម្មនៅលើ YouTube ដោយទទួលបានការចូលមើល 90.4 លានដងក្នុងរយៈពេល 24 ម៉ោងផងដែរ៕
