មិនមែនលំៗទេណា! Messi ញ៉ាក់ដាច់ខ្សែការពារក្រូអាត ឲ្យក្រុមខ្លួនស៊ីគេផុយៗចឹងហ្មង (មានវីដេអូ)

ក្នុងការប្រកួតព្រឹត្តិការណ៍World Cup កាលពីម្សិលមិញនេះ អាហ្សង់ទីន បានបំបាក់ម្ចាស់ជើងឯករងឆ្នាំ២០១៨ ក្រូអាត ក្នុងលទ្ធផល៣ទល់នឹង០ ដែលនេះជាលទ្ធផលដ៏គួរអោយភ្ញាក់ផ្អើលមួយនៅក្នុងការប្រកួតពានរង្វាន់នេះ។

ដោយឡែក ការប្រកួតយប់មិញនេះ ក្រុមអាហ្សង់ទីនទាំងមូលបានការសហការគ្នាសុីចង្វាក់ល្អណាស់ ទាំងអ្នកចាំទី ខ្សែការពារ ខ្សែប្រយុទ្ធ សុទ្ធតែបានរួមចំណែកក្រុមដើម្បីរកជ័យជំនះជូនជាតិបាន។ ក្នុងនោះ តារាឆ្នើម Messi (ម៉ែសសុី) បានបង្កើតឱកាស ដោយអូសញ៉ាក់បាល់ដាច់ខ្សែការពារក្រូអាត Gvardiol និងបោះបាល់អោយ Julian Alvarez បានរកគ្រាប់បាល់បានយ៉ាងងាយ​ នៅនាទីទី៦៩។ ចុងក្រោយលទ្ធផល ក៏បានបញ្ចប់អាហ្សង់ទីនរកបាន ៣គ្រាប់ ចំណែកក្រូអាតរកមិនបាន១គ្រាប់សោះ ទាំងដែលស្ថិតិគ្រប់គ្រងបាល់ អាហ្សង់ទីនមានតែ៣៩ភាគរយ និងក្រូអាតមានដល់ទៅ៦១ភាគរយ។

យ៉ាងណាមិញ ក្រោយឈ្នះប្រកួតយប់មិញនេះ Messi (ម៉ែសសុី) រកគ្រាប់បាល់បាន៥គ្រាប់ បញ្ចូនបាល់អោយមិត្តរួមក្រុមស៊ុតបញ្ចូលទី២ដង ក្នុងព្រឹត្តិការណ៍World Cup នៅកាតាផងដែរ៕

សូមចូលទស្សនារូបភាព​ និងវីដេអូខាងក្រោម៖

វីដេអូ៖