បុត្រីច្បងរបស់ព្រះមហាក្សត្រថៃ Maha Vajiralongkorn សម្រាកព្យាបាលនៅមន្ទីរពេទ្យកាលពីថ្ងៃព្រហស្បតិ៍ បន្ទាប់ពីបានសន្លប់ដោយសារជំងឺបេះដូងកាលពីប៉ុន្មានថ្ងៃមុន ខណៈកំពុងហ្វឹកហាត់សុនខរបស់ព្រះនាងសម្រាប់ការប្រកួតមួយ។
យោងតាមការចុះផ្សាយរបស់សារព័ត៍មាន Upi បានរាយការណ៍ថា ព្រះនាង Bajrakitiyabha Narendira Debyavati ដែលបច្ចុប្បន្នមានព្រះជន្ម៤៤វស្សា បានដួលសន្លប់ នៅពេលដែលយាងទៅខេត្តនគររាជសីមា ដើម្បីបង្ហាត់សត្វសុនខ ដើម្បីត្រៀមខ្លួនប្រកួតកម្មវិធី Thailand Working Dog Championship ដោយទាហានព្រះបរមរាជវាំង ឆ្នាំ២០២២។
តាមការបញ្ជាក់របស់ការិយាល័យរាជវង្ស បានរៀបរាប់ថា ព្រះនាងមានជំងឺបេះដូង ហើយត្រូវបានទទួលការព្យាបាលបឋមនៅមន្ទីរពេទ្យ Pak Chong Nana ក្នុងខេត្ត Nakhon Ratchasima ។ ព្រះនាងត្រូវបានគេបញ្ជូនតាមឧទ្ធម្ភាគចក្រពេទ្យទៅកាន់មន្ទីរពេទ្យ Chulalongkorn ក្នុងទីក្រុងបាងកក ដើម្បីតាមដាន និងព្យាបាលបន្ថែមផងដែរ៕
