លោក Nicholas Tse អាយុ 42ឆ្នាំ គឺជាអ្នកជំនួញមុខរបរច្រើន ក្រៅពីតារាសម្តែង គាត់ក៏ជាតារាចម្រៀង សហគ្រិន ចុងភៅ និងជាអ្នករិះគន់ម្ហូបអាហារ។
ទោះជាយ៉ាងណាក៏ដោយ នៅក្នុងវគ្គថ្មីនៃកម្មវិធី Chinese talk show លោក នីកូឡាស បានបង្ហើបថា ក្តីសុបិនកាលពីកុមារភាពរបស់គាត់ គឺចង់ក្លាយជាស្ថាបត្យករ។
គួរឲ្យសោកស្តាយ លោកមិនបានសម្រេចបំណងនោះទេ ដោយសារមានមនុស្សម្នាក់ប្រាប់គាត់នៅសាលា។
លោក Nic បានរំឭកថា៖ «ខ្ញុំមិនចាំថា តើជាសិស្សច្បង ឬគ្រូនោះទេ ដែលប្រាប់ខ្ញុំពីរឿងនេះទេ ប៉ុន្តែគេនិយាយថា ដោយសារគណិតវិទ្យារបស់ខ្ញុំអន់ អ្វីដែលខ្ញុំបង្កើតនឹងដួលរលំ។ ដូច្នេះនៅទីបំផុត ខ្ញុំបានសម្រេចចិត្តមិនបន្តការងារផ្នែកស្ថាបត្យកម្ម»។
អ្នកជំនាញផ្នែកស្ថាបត្យកម្ម ដែលជាភ្ញៀវកិត្តិយសក្នុងកម្មវិធីនោះ បាននិយាយជាការឆ្លើយតបទៅនឹងការលើកឡើងរបស់នីកូឡាថា «លោកពិតជាត្រូវបានគេបោកប្រាស់ហើយ។ តាមពិតលោកគ្រាន់តែត្រូវមានចំណេះដឹងផ្នែក នព្វន្ធមូលដ្ឋាន ដើម្បីបន្តផ្នែកស្ថាបត្យកម្ម។ អ្នកអាចសួរលោក Daniel Wu ពីវា គាត់មានជំនាញខាងស្ថាបត្យកម្មផងដែរ»។
ជាក់ស្តែង គណិតវិទ្យាដែលស្ថាបត្យករត្រូវការដើម្បីធ្វើការងារ គឺមិនស្មុគស្មាញដូចដែលមនុស្សគ្រប់គ្នាគិតនោះទេ។ “នព្វន្ធមូលដ្ឋាន” ដែលអ្នកជំនាញបានលើកឡើង គឺពីការស្គាល់ពីការបូក ដក គុណ និងចែក។
ពាក្យសម្ដីរបស់ នីកូឡាស ត្រូវបានផ្លាស់ប្តូរ ហើយគាត់បានបញ្ចេញសំណើចមិនសូវសម នៅពេលដែលគាត់ដឹងថាគាត់បានលះបង់ក្តីស្រមៃរបស់គាត់លើអ្វីមួយដែលមិនមែនជាឧបសគ្គ។
លោក Daniel Wu ជាមិត្តភក្តិរបស់ Nicholas បានបញ្ចប់ការសិក្សាពីសាកលវិទ្យាល័យ Oregon’s College of Design ជាកន្លែងដែលគាត់សិក្សាផ្នែកស្ថាបត្យកម្ម។
នៅឆ្នាំ 2017 Daniel បានសម្តែងក្នុងកម្មវិធី Chinese reality show Dream House ដែលគាត់បានធ្វើដំណើរទៅកាន់ទីកន្លែងផ្សេងៗនៃប្រទេសចិន ដើម្បីកែច្នៃសំណង់។
ក្នុងវគ្គមួយ លោក Daniel និងក្រុមសាងសង់របស់គាត់បានធ្វើការនៅលើផ្ទះចាស់មួយនៅក្នុងទីក្រុង Chengde ។ បន្ទាប់មកពួកគេបានប្រែក្លាយវាទៅជាបណ្ណាល័យដ៏គួរឱ្យចាប់អារម្មណ៍ និងស្រស់ស្អាតខ្លាំងណាស់ ដែលឥឡូវនេះត្រូវបានគេស្គាល់ថាជាមជ្ឈមណ្ឌលអ្នកទស្សនា Mulan Weichang ។
ក្នុងឆ្នាំ 2018 បណ្ណាល័យត្រូវបានជ្រើសរើសសម្រាប់ពានរង្វាន់អន្តរជាតិរបស់ Royal Institute of British Architects (RIBA) ដែលត្រូវបានគេស្គាល់ថាជា Oscars of architecture។
វាក៏បានឈ្នះពានរង្វាន់ German Red Dot Design Award ដែលជាសក្ខីភាពចំពោះទេពកោសល្យ និងជំនាញរបស់ Daniel ។
ក្រៅពីលោក Daniel ក៏មានតារាល្បីៗផ្សេងទៀតដែលបានសិក្សាផ្នែកស្ថាបត្យកម្មក្នុងពេលសិក្សាផងដែរ រួមមាន Hawick Lau , Raymond Lam និង Eason Chan ។ ប្រភព៖ 8days និង រូបថត៖ Sinchew News
