សំណាង ឬចៃដន្យ? ចាយពេលសាកថ្ម! ទៅដល់ Iceland ភ្លែត តាប៊ុយ ជួបនឹងពន្លឺ Northern Light មើលទៅស្អាតដូចគំនូរ

កាលពីប៉ុន្មានថ្ងៃមុននេះ អតីតពិធីករល្បីឈ្មោះ MYTV លោក តាប៊ុយ បានរត់ទៅប្រទេស Iceland ដើរលេងកម្សាន្តលម្ហែកាយ ព្រមទាំងបានជួបពន្លឺភ្លើង Northern Light ស្រស់ៗទៀតផង។

ដោយឡែក តារាប្រុសរូបនេះ បានចាយពេលវេលា សាកថ្មជីវិត នៅIceland នៅចុងឆ្នាំ២០២២ ហើយពិសេសថែមទាំងមានឱកាសបានឃើញ Northern Light ផ្ទាល់ភ្នែកទៀតផង ហើយមិនមែនភ្ញៀវទេសចរទាំងអស់ដែលទៅទីនោះសុទ្ធតែបានឃើញដូចៗគ្នាឡើយ ដោយសារតែពន្លឺភ្លើងនេះ វាបញ្ចេញទៅតាមពេលវេលារបស់វា ហើយពេលខ្លះអាចនឹងមិនទៀងទៅតាមរដូវផងដែរ។ លោក តាប៊ុយ បានបញ្ជាក់សីតុណ្ហភាពបានធ្លាក់ចុះក្រោមដល់ដក១៦អង្សារសេ ប៉ុន្តែលោកក៏សុខចិត្តទ្រាំទាំងសប្បាយចិត្តផងដែរ។

យ៉ាងណាមិញ ក៏មានហ្វេនៗ បានសរសើរសំណាងរបស់ តាប៊ុយ ដែលអាចឃើញទិដ្ឋភាពបែបនេះ ផ្ទាល់ៗភ្នែកតែម្តងហើយ៕