ពិធីករប្រុស លោក សុខ រ៉ាសុី បានចែករំលែកអំពីបទពិសោធន៍ខ្លួន ដែលបានបាញ់ទឹកប្រាក់ច្រឡំពីលុយខ្មែរទៅដុល្លារ តាមរយៈធនាគារ ប៉ុន្តែលោកជួបអ្នករត់កង់បីឥណ្ឌាម្នាក់ដែលមានចិត្តបុណ្យ បានជូនលុយត្រឡប់ទៅវិញភ្លាមៗ។
ដោយឡែក ពិធីកររូបនេះ បានបង្ហោះរូបភាពលោកជាមួយនឹងអ្នករត់កង់បីឥណ្ឌាម្នាក់ ដោយសរសេរសារខ្លីថា ភ័យចង់គាំងបេះដូង បងប្អូន! ច្រលំស្កេន បាញ់លុយ អោយបងកង់បី ១១១០០ដុល្លារ តែប៉ះចំបងកង់បីចិត្តល្អ ចែករំលែកបទពិសោធន៍មួយបងប្អូនដែលចូលចិត្តស្កេន QR CODE មានលុយរៀល និងដុល្លារ សូមមើលអោយច្បាស់កុំអោយដូចខ្ញុំ ជិះកង់បីអស់ ១១១០០ដុល្លារ បាញ់លុយអោយគាត់ ១១១០០ដុល្លារ ព្រោះ QR CODE មានសងខាង ដុល្លា និងរៀល ចេះសំណាង បងរត់កង់បី ត្រឡប់មកវិញ បាញ់ត្រលប់អត់កើតទៀត តែគាត់ខំចំណាយពេល ទៅបំពេញឯកសារនៅធនាគារ ដកលុយអោយវិញ។
យ៉ាងណាមិញ សូមគាំទ្រអំពើល្អ ដែលបងកង់បីបានធ្វើឡើង ផុសចេញពីចិត្ត ដោយមិនចង់បានទ្រព្យសម្បត្តិ ឬផលប្រយោជន៍តបស្នង៕
