David Soares អាយុ ៤៣ ឆ្នាំត្រូវបានជួយសង្គ្រោះដោយអ្នកនេសាទក្នុងតំបន់កាលពីថ្ងៃទី ២៧ ខែធ្នូ ឆ្នាំ២០២២ បន្ទាប់ពីកប៉ាល់នេសាទរបស់គាត់ត្រូវបានគេរកឃើញថាបានអណ្តែតនៅក្នុងមហាសមុទ្រអាត្លង់ទិកពីរថ្ងៃមុន។
នៅថ្ងៃទី ២៥ ខែធ្នូ លោក Soares បានជិះទូកតែម្នាក់ឯងនៅតំបន់ឆ្នេរ Atafona ភាគខាងជើងនៃរដ្ឋ Rio de Janeiro ។ ក្នុងពេលធ្វើដំណើរ គាត់បានរអិលធ្លាក់ពីលើកប៉ាល់។
លោក Soares បានប្រាប់គេហទំព័រព័ត៌មាន G1 របស់ប្រេស៊ីល ថា “១០នាទីដំបូងគឺពិបាកបំផុត ព្រោះខ្ញុំចង់ត្រលប់ទៅកប៉ាល់វិញតាមគ្រប់មធ្យោបាយ ប៉ុន្តែមិនអាចទេ ព្រោះចរន្តទឹកខ្លាំងពេក” ។
បន្ទាប់ពីដឹងថាខ្លួនមិនអាចឡើងលើកប៉ាល់វិញបាន លោក Soares បានដោះសម្លៀកបំពាក់ដែលត្រាំខ្លួនចេញ ដើម្បីកាត់បន្ថយទម្ងន់ខ្លួន ហើយទុកខ្លួនឱ្យរសាត់ទៅតាមចរន្តទឹក។
លោក Soares បាននិយាយថា “ដោយសារអាកាសធាតុមានខ្យល់បក់ខ្លាំង និងរលកសមុទ្របក់បោក ខ្ញុំបានលែងឱ្យខ្លួនខ្ញុំរសាត់ទៅតាមចរន្តទឹក ដើម្បីសន្សំសំចៃថាមពល”។
MILAGRE: Um pescador foi encontrado à deriva pendurado em uma boia de sinalização no mar em São João da Barra, no Norte Rio de Janeiro. Deivid Soares, de 43 anos, ficou desparecido por dois dias e foi encontrado por um amigo, que também é pescador @sbtrio pic.twitter.com/w330pEyQ6t
— Diego Sangermano (@disangermano) December 27, 2022
បួនម៉ោងក្រោយមក លោក Soares បានរកឃើញកន្លែងផ្តល់សញ្ញានៅជិតកំពង់ផែ Acu ហើយបានឡើងចូលទៅក្នុងនោះ។ គាត់រំឭកថា៖ «ខ្ញុំគិតថាខ្ញុំនឹងស្លាប់ដោយសារជម្ងឺផ្តាសាយមុនពេលខ្ញុំត្រូវបានគេជួយសង្គ្រោះ។
បន្ទាប់ពីនៅសមុទ្របានពីរថ្ងៃ លោក Soares ត្រូវបានរកឃើញ និងជួយសង្គ្រោះដោយអ្នកនេសាទក្នុងតំបន់។ បុរសនោះបានចេញទៅសមុទ្រ បន្ទាប់ពីក្រុមគ្រួសាររបស់ Soares រាយការណ៍ថាគាត់បាត់ខ្លួនពេលកំពុងនេសាទ។
ក្រោយពីត្រូវបានគ្រូពេទ្យមើលថែដោយសារខ្វះជាតិទឹក និងហត់នឿយ លោក Soares បានត្រឡប់ទៅធ្វើការនេសាទប្រចាំថ្ងៃវិញ៕ ប្រភពពី៖ BBC
