ក្រុមហ៊ុន PNB Merdeka Ventures ដែលជាម្ចាស់អគារ Merdeka បាននិយាយថា ខ្លួននឹងចាប់ផ្តើមសកម្មភាពផ្លូវច្បាប់ប្រឆាំងនឹងនរណាម្នាក់ដែលបំពានលើអគារ។ កាសែត Straits Times បានរាយការណ៍ថា Merdeka គឺជាអគារ ១១៨ ជាន់ដែលមានកម្ពស់ប្រហែល ៦៧៩ ម៉ែត្រ ។
តំណាងក្រុមហ៊ុន PNB Merdeka Ventures បាននិយាយថា “យើងចង់បញ្ជាក់ថា អគារ Merdeka មាន ១១៨ ជាន់ នៅតែជាការដ្ឋានសំណង់ សុវត្ថិភាពគឺជាអាទិភាពកំពូល” ។
សេចក្តីថ្លែងការណ៍នេះត្រូវបានធ្វើឡើងដោយ PNB Merdeka Ventures បន្ទាប់ពីរូបភាពរបស់អ្នកឡើងលើដំបូលពីរនាក់នៅលើកំពូលនៃអគារ Merdeka ត្រូវបានបង្ហោះនៅលើប្រព័ន្ធផ្សព្វផ្សាយសង្គមកាលពីថ្ងៃទី ២៨ ខែធ្នូ ឆ្នាំ២០២២ និងទាក់ទាញការចាប់អារម្មណ៍ពីសាធារណជន។
មនុស្សពីរនាក់នៅក្នុងរូបថតគឺ Ivan Beerkus និង Angela Nikolau ដែលអះអាងថាជាអ្នកឡើងភ្នំផ្សងព្រេងមកពីប្រទេសរុស្ស៊ី។ ក្នុងរូបថតដែលបង្ហោះលើបណ្តាញសង្គម អ្នកទាំងពីរធ្វើសកម្មភាពប្រថុយប្រថាន។
នាយករងប៉ូលិសក្រុងគូឡាឡាំពួ លោក Datuk Yahaya Othman បានបញ្ជាក់ថា Beerkus និង Nikolau នឹងត្រូវកោះហៅមកសាកសួរ។ មនុស្សទាំងពីរនាក់នេះនឹងត្រូវបានអាជ្ញាធរម៉ាឡេស៊ីស៊ើបអង្កេតពីបទលួចចូលអគារ Merdeka ដោយខុសច្បាប់៕ ប្រភពពី៖ Straits Times
