តារាបាល់ទាត់ដ៏ឆ្នើម Cristiano Ronaldo បានសម្រេចចិត្តចុះកុងត្រាចូលលេងជាមួយនឹងក្លឹបអារ៉ាប់ជាមួយនឹងទឹកប្រាក់ប្រមាណជា២១១លានដុល្លារក្នុងមួយឆ្នាំ នេះបើតាមការបង្ហោះចូលក្នុងបណ្តាញសង្គមកាលពីថ្ងៃសុក្រ។
ក្លឹបបានប្រកាសពីមកដល់នៃកំពូលកីឡាករពាន Ballon d’or ៥សម័យកាល ដោយមានកាន់អាវក្លឹប Al Nassr និងក្លឹបបាននិយាយថា ប្រវត្តិក្នុងត្រូវបានបង្កើតឡើងហើយ នេះគឺជាការចុះហត្ថាលេខា ដែលមិនត្រឹមតែលើកទឹកចិត្តដល់ក្លឹប ដោយសម្រេចបានជោគជ័យកាន់តែច្រើនប៉ុណ្ណោះទេ ប៉ុន្តែជំរុញអោយលីករបស់យើង ជាតិយើង និងកូនចៅជំនាន់ក្រោយ ក្មេងប្រុស និងក្មេងស្រីអោយក្លាយជាកំណែដ៏ល្អបំផុតសម្រាប់ខ្លួនឯង។ ស្វាគមន៍ Cristiano ចំពោះផ្ទះថ្មីរបស់អ្នក។
ប៉ុន្តែកាលពីថ្ងៃសុក្រនេះ អ្នកតំណាងរបស់ Ronaldo មិនបានបង្ហាញពីលក្ខខណ្ឌនៃកិច្ចព្រមព្រៀងនោះទេ។ សារព័ត៍មានCNN បានទាក់ទងទៅ Al Nassr ដើម្បីសុំការអត្ថាធិប្បាយបន្ថែម។
កីឡាករវ័យ ៣៧ឆ្នាំរូបនេះ បានក្លាយជាកីឡាករឥតមានក្លឹប ដោយសារតែការចែកផ្លូវគ្នាជាមួយ Manchester United កាលពីខែមុននោះ ដោយសារក្លឹបបានធ្វើការផ្តាច់កិច្ចសន្យាជាមួយលោក ដោយសារកិច្ចសម្ភាសជាមួយនឹងអ្នកសារព័ត៍មានPiers Morganរួចមក។
យ៉ាងណាមិញ ពេលនេះយើងក៏សូមជូនពរដល់ Cristiano Ronaldo អោយមានសុខភាពល្អ និងទទួលបានភាពជោគជ័យ ក្នុងក្លឹបថ្មីនេះផងដែរ៕
