ចំពេលដំណឹងស្នេហាក្តៅគគុកស្វាគមន៍ឆ្នាំថ្មីរបស់គូស្នេហ៍តារាល្បី IU និង Lee Jong Suk ពេលនេះ Jang Ki Ha អតីតមិត្តប្រុសរបស់ IU បានក្លាយជាមនុស្សម្នាក់ដែលត្រូវបានអូសចូលក្នុងបញ្ហានេះ បន្ទាប់ពីអ្នកនិយមលេងអ៊ីនធឺណិតបានចូលរួមបញ្ចេញមតិលើ SNS របស់គាត់ ក្រោយថ្ងៃទី ៣១ ខែធ្នូ Jang Ki Ha បានសម្តែងនៅក្នុងកម្មវិធីនោះ។
ជាចៃដន្យបទចម្រៀងដែលតារាចម្រៀងរូបនេះជ្រើសរើសមកសម្តែងគឺបទ ‘ខ្ញុំមិនច្រណែន’ និង ‘សួស្តីឆ្នាំថ្មី’ ដែលទទួលបានការចាប់អារម្មណ៍ភ្លាមៗ ព្រោះវាបានកើតឡើង បន្ទាប់ពីពាក្យចចាមអារ៉ាមថា IU និង Lee Jong Suk មានទំនាក់ទំនងស្នេហា។
ធ្វើឲ្យអ្នកនិយមលេងអ៊ីនធឺណែត បញ្ចេញមតិលើបណ្ដាញសង្គមរបស់គាត់ ដូចជា “តើអ្នកបានឃើញពាក្យចចាមអារ៉ាមណាត់ជួបរបស់ IU ទេ?” បណ្តាលឱ្យមានការខឹងសម្បារពីអ្នកគាំទ្ររបស់តារាចម្រៀងរូបនេះ ហើយមានការតបតទៅវិញទៅមករវាងអ្នកគាំទ្រទាំងសងខាង។
ចំពោះ IU និង Jang Ki Ha ត្រូវបានគេបង្ហើបថា ពួកគេទាក់ទងគ្នារវាងឆ្នាំ ២០១៣ និង ២០១៧ មុនពេលការបែកបាក់របស់ពួកគេត្រូវបានបង្ហាញតាមរយៈភ្នាក់ងាររបស់ពួកគេ។
«គូទាំងពីរបានបែកគ្នាដោយធម្មជាតិ ដោយសារតែផ្ដោតលើការខិតខំប្រឹងប្រែងរបស់ខ្លួន ហើយទើបសម្រេចចិត្តបន្តធ្វើជាសិស្សច្បង និងជាយុវជនល្អ»។
យ៉ាងណាមិញ ទោះបីជាអ្នកទាំងពីរបានបែកបាក់គ្នាប៉ុន្មានឆ្នាំមុនក៏ដោយ ក៏អ្នកគាំទ្រទាំង Jang Ki Ha និង IU នៅតែកូរ និងទាញឲ្យជាប់ពាក់ព័ន្ធក្នុងរឿងស្នេហាថ្មី Jang Ki Ha ជាមួយអតីតមិត្តស្រី៕ ប្រភព៖ បរទេស
