Tonni Rakkaen បើករូបភាពពេញៗ នៃសួនក្បែរផ្ទះរបស់គេដែលពោរពេញទៅដោយពណ៌បៃតងខ្ចី បន្លែផ្លែឈើចេញផ្លែផ្កាពាសពេញតែម្ដង

ផ្ទះក្នុងសុបិន្តដែលទាំង2នាក់ប្តីប្រពន្ធនេះជប់ចេញមក ពិតជាគួរឲ្យចង់រស់នៅមែនទែន សម្រាប់គូ របស់ Toni Rakkaen និង Kaew Jarinya ។

ហើយខាងប្រុសក៏ថែមទាំងបានបើកបង្ហាញពីផលដំណាំថ្មីៗបន្ថែមទៀតផង ដើម្បីឲ្យហ្វេនៗបានឃើញតាមរយៈ IG ដែលមានសួនបន្លែផ្លែឈើកំពុងតែរីករូតលាស់ចេញផ្លែចេញផ្កាព្រោងព្រាត មិនថាជា ចេក ត្របែក រួមទាំងដំណាំជាច្រើនមុខទៀតផងដែរ។

ហើយនៅមានស្រះទឹកដ៏ធំមួយ នៅក្បែរផ្ទះទៀតផង ដែលជាការបង្ហាញឲ្យឃើញថា ទីនេះ មានទាំងទេសភាពស្រស់ស្អាត ម្លប់ត្រជាក់ ហើយថែមទាំងខ្យល់អាកាសដ៏បរិសុទ្ធទៀតផង។

បើមើលទៅតាមភាពស្រស់ស្អាត ពណ៌បៃតង ដែលអាចបញ្ជាក់បានថា គឺជាការខំប្រឹងប្រែងអស់ពីកម្លាំងកាយចិត្តពិតៗរបស់ទាំង2នាក់ប្តីប្រពន្ធនោះតែម្ដងហើយ៕

ប្រភព : Sanook