លី ជីអឿន (Lee Jieun) ដែលគេស្គាល់ថាជា IU គឺជាតារាចម្រៀងកូរ៉េខាងត្បូង ក៏ជាអ្នកនិពន្ធបទចម្រៀង ជាសប្បុរសជន និងជាតារាសម្ដែងក្នុងផលិតកម្ម EDAM Entertainment ផងដែរ។ នាងត្រូវបានគេស្គាល់ផងដែរក្នុងប្រទេសកូរ៉េខាងត្បូងថាជា “ប្អូនស្រីតូចរបស់ប្រជាជាតិ”។ ក្រៅពីទេពកោសល្យក្នុងការច្រៀង និងនិពន្ធបទចម្រៀង IU ក៏ត្រូវបានអ្នកគាំទ្រទូទាំងពិភពលោកស្រលាញ់ពេញចិត្តចំពោះការសម្តែងរបស់នាងជាតួសម្តែងក្នុងរឿងជាច្រើនដូចជា “Moon Lovers: Scarlet Heart Ryeo”, “Hotel Del Luna” និង “My Mister” ជាដើម។
ខាងក្រោមនេះជាហេតុផល ៧ យ៉ាងដែល IU ជាតារាចម្រៀងស្រីដែលមានឥទ្ធិពលបំផុតនៅកូរ៉េខាងត្បូង៖
១. ច្រៀងបានល្អ និងលេងហ្គីតា
ប្រទេសកូរ៉េខាងត្បូង មានការប្រកួតប្រជែងខ្ពស់ក្នុងការក្លាយជាតារា។ មនុស្សជំនាន់ថ្មីកំពុងប្រជែងយកតំណែងជាមនុស្សនៅលើអេក្រង់។ បើមានតែរូបរាង និងមុខមាត់ស្អាត ច្បាស់ជាមិនធ្វើឱ្យអ្នកស្ថិតក្នុងវិស័យនេះយូរអង្វែងឡើយ ប៉ុន្តែប្រហែលជាមិនចម្លែកទេសម្រាប់ IU ព្រោះក្រៅពីរូបរាងដ៏គួរឱ្យស្រលាញ់របស់នាងក៏ពេញចិត្តអ្នកគាំទ្រ។
នាងក៏ជាអ្នកចម្រៀងដែលមានទេពកោសល្យខ្លាំងផងដែរ ។ សំលេងពិរោះច្បាស់ៗ និងសំលេងធ្ងន់របស់នាង អាចអោយនាងច្រៀងបានច្រើនប្រភេទ មិនថាជាសម្លេងស្រទន់ ដូច “Autumn Morning” បែបសេដៗដូច “Ending Scene” ឬបែបស្រែកតឹងដូចជាបទមានក្នុងអាល់ប៊ុមភាគច្រើន ហើយថ្មីៗនេះផងដែរ បទចម្រៀង “My Sea” គឺមួយក្នុងចំណោមចម្រៀងប្រើសម្លេងធ្ងន់ ក្រអួនក្រអៅផងដែរ ។ នាងក៏អាចលេងហ្គីតា ព្យាណូ និងស្គរទៀតដែរ ដែលនេះបានធ្វើឱ្យការអភិវឌ្ឍតន្ត្រីរបស់នាងឈានទៅមុខជាលំដាប់។
២. ជាតារាសម្ដែងដ៏ល្អម្នាក់
បន្ថែមពីលើផ្លូវនៃការក្លាយជាសិល្បការិនី នាងក៏ពូកែក្នុងនាមជាតួសម្តែងដែរក្នុងខ្សែភាគយន្តផ្សេងៗ។ រឿងភាគទូរទស្សន៍ដំបូងរបស់នាង គឺ “Dream High” ក្នុងឆ្នាំ ២០១១ តែរឿង “The Producers” ជារឿងដែលធ្វើអោយនាងល្បីរហូតមក មិនមានការរិះគន់។
នាងរីកចម្រើនខ្លាំងក្នុងរឿងភាគ “គូស្នេហ៍ព្រះច័ន្ទ” ដែលសម្ដែងរួមជាមួយនឹងតួឯកប្រុស Lee Joon-gi ដែលល្បីល្បាញពេញប្រទេស ក្លាយជាគូស្នេហ៍ដែលអ្នកគាំទ្រចង់ក្លាយជាគូស្នេហ៍ពិត។ ហើយចុងក្រោយនេះ ជាមួយនឹងការសម្ដែងជាតួឯកស្រីដែលដូចចរិកថៅកែធំក្នុងរឿង “Hotel Del Luna” ជាមួយនឹងជំនាញសម្ដែងដ៏ស្មុគស្មាញមួយកម្រិតផ្សេងទៀត ។
៣. ក្រុមស្រឡាញ់ចូលចិត្ត
បើចង់ដឹងថាអ្នកសិល្បៈដែលខ្លួនចូលចិត្តមានចរិតល្អឬអត់នោះ មើលបុគ្គលិកដែលធ្វើការជាមួយគ្នា។ ដោយសារតែក្រុម IU បានរួមរស់ជាមួយគ្នាយូរមកហើយ មិនថាជាអ្នកគ្រប់គ្រងផ្ទាល់ខ្លួនដូចជា “Bae Jong Han” ដែលគ្រប់គ្រង IU ជាង ១២ ឆ្នាំ ឬអង្គរក្សផ្ទាល់ខ្លួនដូចជា “Mr. Park” តាំងពីឆ្នាំ ២០១២ រួមទាំងសមាជិកក្រុមផ្សេងទៀត។
ពួកគេថា នាងមើលថែពួកគេដូចជាសមាជិកគ្រួសារ នៅពេលដែលវេនរបស់ IU បានផ្លាស់ប្តូរពី Kakao M ជាអតីតទៅ EDAM Entertainment តារាចម្រៀងរូបនេះក៏មិនស្ទាក់ស្ទើរក្នុងការនាំក្រុមរបស់នាងទៅតាមដែរ ដែលនេះហៅថាជាគ្រួសារតែមួយដែលស្រលាញ់គ្នាយ៉ាងរឹងមាំ។
៤. ការតស៊ូមិនចេះបោះបង់
បើមាននរណាម្នាក់ដែលសមនឹងឃ្លា “នាងសមនឹងទទួលបានវា” នោះច្បាស់ជា IU ហើយ ព្រោះនាងមកពីគ្រួសារលំបាកខ្លាំង។ នាងត្រូវរស់នៅជាមួយជីដូនក្នុងប្រទេសក្នុងបន្ទប់តូចមួយ ចង្អៀត ពោរពេញដោយសត្វកន្លាត ដោយសារបញ្ហាបំណុលគ្រួសារ។
វាប្រៀបដូចជា រឿងដែលជំរុញឱ្យនាងបន្តក្តីសុបិនរបស់នាងឱ្យបានជោគជ័យ ហើយទោះបីជាផ្លូវតារារបស់នាងត្រូវឆ្លងកាត់ការប្រឡងចំនួន ២០ដងក៏ដោយ ក៏នាងមិនបោះបង់ដែរ។ ក្ដីសង្ឃឹមថាការចេញបទដំបូង នាងចង់បានជោគជ័យ ប៉ុន្តែបទ “Lost Child” នេះមិនសូវពេញនិយមឡើយ មិនដូចបទ “Good Day” ក្នុងឆ្នាំ ២០១១ នោះទេ ដែលល្បីដូចជាកាំជ្រួច។ ហើយនោះគឺជាសញ្ញាដំបូងរបស់សិល្បការិនីរូបនេះ ដែលហៀបនឹងក្លាយជាបុគ្គលដែលមានអំណាចបំផុតនៅក្នុងប្រទេសកូរ៉េខាងត្បូង។
៥. ឋានន្តរស័ក្តិ ទេពធីតា
តន្ត្រីរបស់ IU មិនចេះធុញនោះទេ នាងតែងតែបង្កើតបទពិសោធន៍ជាមួយប្រភេទថ្មី ជាមួយនឹងទេពកោសល្យនិពន្ធបទចម្រៀង និងសិល្បៈរបស់នាង ដែលត្រូវបានអ្នកគាំទ្រស្រលាញ់ខ្លាំង រហូតទទួលបានការចាប់អារម្មណ៍ច្រើនលើសលប់ ពីមួយបទទៅមួយបទផ្សេងទៀត។
នាងត្រូវបានគេដាក់ឈ្មោះក្រៅថាជា “the chart-clearing goddess” ឬ “the goddess of digital charts” IU គឺជាសិល្បករស្រីទោលដែលបានគ្រប់គ្រងបទចម្រៀងផ្ទាល់ខ្លួនដោយខ្លួនឯង គ្របដណ្តប់ស្ទើរតែគ្រប់តារាងបទចម្រៀង រហូតដល់នាងត្រូវបានទទួលស្គាល់ដោយ iChart របស់ប្រទេសកូរ៉េខាងត្បូងទៀតផង។
ធ្លាប់ស្ថិតលើតារា “All Kill” និង “Perfect All Kill” បទចម្រៀងចាស់ដូចជា “កាន់ដៃខ្ញុំ” ដែលចេញតាំងពីឆ្នាំ ២០១១ ក៏នៅតែអាចត្រលប់មកឈរលើតារាងក្នុងឥឡូវនេះផងដែរ។
៦. ពានរង្វាន់អ្នកនិពន្ធល្អបំផុត
តារាចម្រៀងក្នុងវិស័យ K-pop ច្រើនតែមានផលិតករតន្ត្រី និងអ្នកនិពន្ធបទចម្រៀងសម្រាប់ពួកគេ។ មានក្រុមតិចតួចណាស់ ដែលមានតែពីរបីនាក់ប៉ុណ្ណោះ ដែលបង្កើតបទភ្លេងដោយខ្លួនឯង ហើយក្រុមមួយក្នុងចំណោមពួកគេគឺ IU ។ IU និពន្ធ ឬសហការនិពន្ធបទចម្រៀងទាំងអស់ដោយខ្លួននាងផ្ទាល់ ។ ដូច្នេះហើយរាល់បទចម្រៀង គឺពោរពេញទៅដោយមនោសញ្ចេតនាដែលពិតជាទាក់ទាញអ្នកស្តាប់ ។
អ្នកគាំទ្រនិយាយជារួមថា បទចម្រៀងរបស់នាងជួយព្យាបាលពេលវេលាដ៏នឿយហត់ និងជួយសម្រាលទុក្ខព្រួយ។ បទចម្រៀងរបស់នាងជារឿយៗឆ្លុះបញ្ចាំងពីគ្រាលំបាកក្នុងជីវិតដែល IU ខ្លួនឯងតែងតែយល់ និងធ្លាប់ឆ្លងកាត់រួមមកហើយកាលពីអតីតកាល។ ដូច្នេះហើយបទចម្រៀងរបស់នាងទាក់ទាញចិត្តមនុស្សខ្លាំងជាងគេ។ ហើយនោះហើយជាមូលហេតុដែលនាងបានឈ្នះពានរង្វាន់អ្នកនិពន្ធល្អបំផុតប្រចាំឆ្នាំនៅឯ Melon Music Awards វាត្រូវបានគេនិយាយផងដែរថា បទចម្រៀងរបស់ IU ត្រូវបានប្រើប្រាស់ក្នុងការរៀនភាសានៅក្នុងសាលា ដោយសារតែភាសារបស់នាងត្រូវបានរៀបចំយ៉ាងស្អាត និងលេងបានយ៉ាងល្អជាមួយនឹងបទភ្លេង។
៧.តែងតែជួយសង្គម
IU តែងតែជាពលរដ្ឋដ៏ស្វាហាប់ និងសុចរិតម្នាក់ ។ នាងបានទទួលងារជាអ្នកបង់ពន្ធល្អបំផុតពីរដ្ឋាភិបាលជារៀងរាល់ឆ្នាំ។ សំខាន់ជាងនេះទៅទៀត ជាមួយនឹងកុមារភាពដ៏លំបាក ពេលនាងទទួលបានជោគជ័យ នាងបានជួយសង្គមផងដែរ មិនថាជាការបរិច្ចាគថវិកាដល់មូលនិធិ Green Umbrella Children’s Foundation អស់រយៈពេលជាច្រើនឆ្នាំ។
រួមទាំងការជួយបរិច្ចាកថវិកាក្នុងអំឡុងពេលវិបត្តិកូវីដ-១៩ រហូតមកដល់សព្វថ្ងៃនេះ អ្នកណាដែលតាមដាន Palette របស់នាង IU នឹងឃើញថា នៅពេលបញ្ចប់កម្មវិធី នាងក៏លះបង់ដើម្បីស្វែងរកកុមារដែលបាត់ខ្លួនដែរ ឬសូម្បីតែការនាំតន្ត្រីករដែលកំពុងតស៊ូដើម្បីបំពេញក្តីសុបិនរបស់ពួកគេ នាំចូលការសម្តែង ហើយទទួលបាន “Dear Name” រួមគ្នានៅក្នុងកម្មវិធីពានរង្វាន់ MMA (Melon Music Awards) ឆ្នាំ ២០១៧ ដើម្បីផ្តល់ពន្លឺដល់គ្រប់សម្លេងដែលមិនទាន់បានស្តាប់៕ ប្រភព៖ បរទេស
